विश्वकप क्रिकेटमा आज इंग्ल्याण्ड र अस्ट्रेलियाबीच प्रतिस्पर्धा

असार १०, २०७६ मंगलबार ११:३:३४ | उज्यालो सहकर्मी

क्रिकेटका सबैभन्दा पुराना प्रतिद्वन्द्वी इंग्ल्याण्ड र अस्ट्रेलिया जारी एकदिवशीय विश्वकप अन्तर्गत प्रतिष्ठित लर्डस मैदानमा आमने सामने हुनेछन् ।

विश्वकपको सेमिफाइनलका दावेदार टोलीहरुबीचको खेल नेपाली समयअनुसार दिउँसो सवा ३ बजेदेखि सुरु हुनेछ । इंग्ल्याण्डले ६ खेलमा ४ जित हासिल गरेको छ । पछिल्लो खेलमा श्रीलंकासँग पराजित हुनु इंग्ल्याण्डको आत्मविश्वासमा ठूलो चोट हो । कमजोर प्रदर्शन गरिरहेको श्रीलंकाले घरेलु टोलीमाथि २० रनको जित आत्मसाथ गरेको थियो । त्यसबाहेक इंग्ल्याण्डले पाकिस्तानसँग पनि पराजय ब्यहोरेको थियो ।

विश्वकपको उपाधिका लागि सबैभन्दा प्रमुख दावेदारको रुपमा रहेको इंग्ल्याण्डले आगामी ३ खेलमा कठिन परीक्षाबाट गुज्रिनुपर्नेछ । त्यसको सुरुआत मंगलबारको अष्ट्रेलियाबिरुद्धको खेल हो । जितको यात्रामा पुनरागमन गर्नका लागि उसले अष्ट्रेलियालाई हराउनुपर्नेछ । इंग्ल्याण्डका लागि अर्को समस्या ओपनर ज्यासन रोयको अनुपस्थिति पनि हो । जो ह्याम्स्ट्रिङको चोटका कारण आराममा छन् ।

अष्ट्रेलियाका लागि पनि सुरुआती ब्याट्सम्यान र बलरहरुको उत्कृष्ट प्रदर्शन सुखद पक्ष हो । उसले ६ मध्ये ५ खेलमा स्पष्ट जित हासिल गरिसकेको छ । मार्कस स्टोनिस चोटमुक्त हुँदै फर्किएपछि अस्ट्रेलिया अझै बलियो बनेको छ । एकदिवशीय क्रिकेटको हेड टू हेडमा इंग्ल्याण्डभन्दा अष्ट्रेलिया अगाडि छ । इंग्ल्याण्डले अहिलेसम्म ६१ खेल जितेको छ भने अष्ट्रेलिया ८१ पल्ट विजयी भएको छ । पाँच पल्टको विश्वविजेता अष्ट्रेलियालाई पहिलो विश्वकप जित्ने अभियानमा रहेको इंग्ल्याण्डले यसपल्ट कडा चुनौति दिन सक्छ ।

किनभने इंग्ल्याण्डले घरेलु मैदानमा खेलिरहेको छ । लर्डस्मा सोमबार रातभर वर्षा हुने र मंगलबार बिहानैदेखि घना बदली भइराख्ने पूर्वानुमान गरिएको छ । दिउँसोको समयमा हावा हुरीसहित वर्षाको सम्भावना पनि भएकाले यस खेल ढिला हुनेछ । लर्डस्मा पछिल्लो ४ मध्ये ३ खेल पहिले ब्याटिङ गर्ने टिमले जितेको छ । त्यसैले टस महत्वपूर्ण हुन सक्छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्