खेलकुद अवार्डको उत्कृष्ट खेलाडी मनोनयनमा क्रिकेटका खेलाडीको वर्चश्व

असार १०, २०७६ मंगलबार १४:६:२० | उज्यालो सहकर्मी

नेपाल खेलकुद पत्रकार मञ्चको आयोजनामा हुन लागेको खेलकुद अवार्डको उत्कृष्ट खेलाडीको मनोनयमा क्रिकेटका खेलाडीले वर्चश्व जमाएका छन् । मञ्चले सार्वजनिक गरेको उत्कृष्ट खेलाडी प्रशिक्षकको मनोनयनका चार वटै विधामा क्रिकेटका खेलाडी र प्रशिक्षक परेका छन् ।

पञ्चले मंगलबार सार्वजनिक गरेको उत्कृष्ट पुरुष खेलाडीमा क्रिकेट टिमका कप्तान पारस खड्का र सोमपाल कामी प्याराग्लाइडिङका युकेश गुरुङ, गल्फका शुक्रबहादुर राई र जुडोका इन्द्रबहादुर श्रेष्ठ मनोनयनमा परेका छन् ।

यस्तै महिला तर्फको उत्कृष्ट खेलाडीको मनोनयनमा फुटबलकी सावित्रा भण्डारी, भलिबलकी सरस्वती चौधरी, क्रिकेटकी सिता रानामगर, जुडोकी मनिता श्रेष्ठ प्रधान र तेक्वान्दोकी निमा गुरुङ छन् ।

यस्तै उत्कृष्ट युवा पुरुष खेलाडीमा ब्याटमिन्टनका प्रिन्स दाहाल, एथ्लेटिक्सका अजित कुमार यादव, क्रिकेटका ललितनारायण राजवंशी, फुटबलकी मञ्जली कुमारी योञ्जन र कराँतेका विजय श्रेष्ठ मनोनयनमा परेका छन् ।

उत्कृष्ट प्रशिक्षकमा प्याराग्लाईडिङका योगश भट्टराई, क्रिकेटका जगत टमाटा, एथ्लेटिक्सका धनीराम चौधरी, भलिबलका ज्ञानेन्द्र विष्ट र फुटबलका हरि खड्का मनोनयनमा छन् ।

खेलकुद पत्रकार मञ्चले आयोजना गर्ने यो अवार्ड असार १७ गते हुनेछ । यो अवार्डका लागि दुई वटा विधाको मनोनयन यसअघि नै सार्वजनिक गरिसकेका छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्