भारतीय ब्याट्सम्यान रायुडूले लिए अन्तर्राष्ट्रिय क्रिकेटबाट सन्यास

असार १८, २०७६ बुधबार १७:११:४४ | उज्यालो सहकर्मी

भारतीय मध्यक्रमका ब्याट्सम्यान अम्बाती रायुडूले अन्तर्राष्ट्रिय क्रिकेटबाट सन्यास लिएका छन् ।

आईसीसी विश्वकप क्रिकेट २०१९ मा टिममा नपरेपछि उनले गरेको एक विवादित ट्वीट पनि चर्चामा आएको थियो । त्यसपछि उनलाई वैकल्पिक खेलाडीहरुको सूचीमा राखिएको थियो ।

तर चोटका कारण शिखर धावन र विजय शंकर टिमबाट बाहिरिए पनि उनीहरुको स्थानमा भारतीय क्रिकेट बोर्ड (बीसीसीआई) ले उनलाई विश्वकपका लागि इंग्ल्याण्ड पठाएन ।

आन्ध्रपद्रेशका क्रिकेटर रायुडूले अचानक सन्यास लिएको कारणबारे भने केही पनि बताएका छैनन् । यद्दपि उनले आईपीएलमा भने खेल्ने बताएका छन् ।

पछिल्लो एक वर्षदेखि रायुडू भारतीय टिमको नियमित सदस्य रहँदै चार नम्बरमा ब्याटिङ गर्दथे । तर विश्वकपमा भने उनको स्थानमा विजय शंकरलाई राखिएको थियो ।

५० इनिङ एकदिवसीय खेलेका रायुडूले ४७ दशमलव ०६ को औसतमा १६९४ रन बनाएका छन् । एकदिवसीय क्रिकेटमा उनको सर्वाधिक स्कोर १२४ रन छ । उनले अन्तिम एकदिवसीय क्रिकेटमा गएकाे ८ मार्चमा २ रन बनाएका थिए ।

रायुडूले ६ वटा टी-२० पनि खेलेका छन् । उनले २०१३ मा डेब्यू गरेका थिए । विश्वकपका लागि चौथो स्थानमा आफ्नो दावेदारी बलियो बनाउनका लागि प्रथम श्रेणी क्रिकेटबाट पहिला नै सन्यास लिएका थिए ।

रायडूले भारतीय क्रिकेटबाट सन्यास लिएपछि उनलाई आइसल्याण्ड क्रिकेट बोर्डले आफ्नो देशको नागरिकता दिने र त्यहीबाट क्रिकेट खेल्न अफर गरेको छ । आइसल्याण्डको ट्वीटर ह्याण्डलमा त्यहाँको नागरिकता लिने प्रक्रियाबारे पनि उल्लेख गरेको छ ।

रायुडूले सन्यासको घोषणा गर्दै भारतीय क्रिकेट टिमका कप्तान विराट कोहली र पूर्व कप्तान महेन्द्रसिंह धोनी र उपकप्तान रोहित शर्मालाई धन्यवाद समेत दिएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्