एसीसी यू-१९ इस्टर्न रिजन: सेमिफाइलनमा नेपाल र मलेसिया खेल्ने

असार २१, २०७६ शनिबार १६:१४:३४ | उज्यालो सहकर्मी

एसीसी यू-१९ इस्टर्न रिजनको सेमिफाइनलमा नेपालले मलेसियासँग खेल्ने भएको छ ।

समूह चरणको अन्तिम खेलमा मलेसिया हङकङसँग ३ रनले पराजित भएपछि समूहको उपविजेता बन्यो । समूह 'बी' को उपविजेता मलेसियाले समूह 'ए' को विजेता नेपालसँग प्रतिस्पर्धा गर्ने तय भएको छ ।

किनरारा ओभल मैदानमा भएको खेलमा हङकङले मलेसियलाई ३ रनले हरायो । टस जितेर ब्याटिङ रोजेको हङकङले ५० ओभरमा नौ विकेट गुमाउँदै १७२ रन बनाएको थियो । उसका लागि अदित गोरावाराले ५० रनको अर्धशतकीय योगदान दिए ।

यस्तै कालान मार्क चल्लुले ४३ रन, नसरुल्ला रानाले ३० र अरुष भागवतले २० रन बनाउँदा अन्य ब्याट्सम्यानले दोहोरो अंक जाेड्न सकेनन् । बलिङतर्फ मलेसियाका लागि मोहम्मद आमिर र सचिनु हिटिगेले समान तीन/तीन विकेट लिए भने विजय उन्नीले दुई विकेट हात पारे ।

१७३ रनको लक्ष्य पछ्याएको मलेसिया ४९ दशमलव १ ओभरमा १६९ रन बनाउँदा अलआउट भयो । मलेसियाका टप अर्डरका पाँच खेलाडीले दोहोरो अंकको रन बनाउन सकेनन् ।

४४ रन बनाउँदा ७ विकेट गुमाएको मलेसियाका लागि मोहम्मद युशुफ र विजय उन्नीले ८७ रनको साझेदारी गर्दै मलेसियालाई खेलमा फर्काएका थिए । विजय उन्नी ३८ रनमा रन आउट भएका थिए । त्यसपछि १६३ रन बनाउँदा युशुफ व्यक्तिगत ६३ रनमा आउट भए ।

१२ बलमा ९ रन चाहिएका बेला मलेसियाले ५ बल बाँकी छँदै सबै विकेट गुमाउन पुग्यो । हङकङका विकास शर्मा र रौनक कपुरले समान तीन/तीन विकेट लिए ।

सेमिफाइनल खेल सोमबार हुनेछ । जसमा नेपाल र मलेसिया तथा हङकङ र सिंगापुर प्रतिस्पर्धा गर्नेछन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्