एसीसी यू–१९ इस्टर्न रिजन क्रिकेट : उपाधि जित्न नेपाललाई ९६ रनको सामान्य लक्ष्य

असार २४, २०७६ मंगलबार ११:१:१६ | उज्यालो सहकर्मी

एसीसी यू–१९ इस्टर्न रिजन क्रिकेटको उपाधि जित्न नेपाललाई हङकङले ९६ रनको चुनौती दिएको छ । टस हारेर पहिला ब्याटिङ गर्न आएको हङकङका व्याट्सम्यानहरु नेपाली बलरसामु खुलेर खेल्न सकेनन् ।

हङकङले ४३.१ ओभरमा सवै विकेट गुमाएर ९५ रनमात्रै बनाउन सक्यो । नेपाली युवा लेगस्पिनर सागर ढकालले हङकङको ब्याटिङ लाइन अपलाई ध्वस्त बनाउन सफल भए । पहिलो ओभरमै मेडन विकेट लिएका सागरले ५ विकेट लिए ।

पहिलो र दोस्रो विकेटको साझेदारी सागरले शून्य रनमै तोडेका थिए । तेस्रो विकेटका लागि भने हङकङले २९ रनको साझेदारी गरेको थियो । अदित गोररा र कालन मार्क चालुले यो साझेदारी गरेका थिए । तर चालुलाई टिमको स्कोर २९ रन हुँदा सागरले नै व्यक्तिगत तेस्रो सिकार गरे । चालु जम्मा १९ रन बनाएर आउट भए । उनले २ चौका र १ छक्का प्रहार गर्दै नेपाली फिल्डरमाथि दवाव बनाउने प्रयास गरेका थिए ।

त्यसपछि चौथो विकेटको साझेदारी पनि शून्यमै तोडियो । चौथो विकेटको रुपमा सागरले आरुस भागवतलाई खाता खोल्न नदिइ पेभेलियनको बाटो देखाए ।

पाँचौं विकेटको रुपमा अदित गरोरा र मेहरनकाबीचमा १८ रनको साझेदारी भयो । यो साझेदारीलाई पनि सागरले नै तोडे । उनले मेहरनलाई आउट गरेका हुन् । सुरुका पाँचै विकेट सागरको नाममा रह्यो ।

छैटौँ विकेट भने तिलकराज भण्डारीले लिएका थिए । भण्डारीले व्यक्तिगत पहिलो भए पनि टिमका लागि भने छैटौँ सफलता थियो ।

अरोरा हङकङबाट सर्वाधिक रन बनाउने खेलाडी हुन् । उनी सर्वाधिक २४ रन बनाएका बेला भण्डारीको बलमा कप्तान रोहितको हातबाट क्याच आउट भए ।

टिमका लागि सातौं सफता कमलसिंह ऐरीले दिलाए । उनले मोहम्मद हसन खानलाई आउट गरेका हुन् । आठौं सफलता पनि ऐरीकै नाममा रह्यो । हङकङको स्कोर ७० रन हुँदा रौनक कपुरलाई ऐरीले आउट गरे । ३६ ओभर सकिँदा हङकङले ७० रन बनाउँदै ८ विकेट खर्चिएको थियो ।

अन्तिममा मोहम्मद हसन र अब्बदुर उर्सलने २५ रनको साझेदारी गरेपछि हङकङको टिम ९५ रनमा पुगेको थियो । नेपालका सागर ढकालले ५ विकेट लिँदा कमलसिंह ऐरीले ३ तथा कुशल मल्ल र तिलकराज भण्डारीले एक–एक विकेट लिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्