रोजर फेडेरर विम्बल्डन टेनिसको सेमिफाइनलमा

असार २६, २०७६ बिहीबार ६:४९:३२ | उज्यालो सहकर्मी

जापानी खेलाडी केइ निसीकोरीविरुद्ध एक सेटले पछि परेको स्थिति उल्टाउँदै स्वीस सुपरस्टार रोजर फेडेरर १३औं पल्ट विम्बल्डन टेनिसको सेमिफाइनलमा पुगेका छन् ।

सुस्त सुरुवातका बाबाजुद ८ पल्टका उपाधि विजेता फेडेररले निसीकोरीबिरुद्ध ४६, ६१, ६४ र ६४ को सेटमा जितसहित अल इंग्ल्याण्ड क्लबमा एक सयौं जित हासिल गरेका हुन् ।

फेडेरर ग्राण्डस्लाम इतिहासमै एकै प्रतियोगितामा १०० खेल जित्ने पहिलो खेलाडी बनेका छन् । सेमिफाइनलमा उनले रफायल नाडाल र साम क्वेरेरीबीच हुने खेलको विजेतासँग शुक्रबार प्रतिस्पर्धा गर्नेछन् ।

२५ दिनपछि ३८ औं जन्मदिन मनाउन लागेका फेडेरर ग्राण्डस्लामको सेमिफाइनलमा पुग्ने दोस्रो पाका खेलाडी बनेका छन् । सन् १९९१ मा जिम्मी कर्नर ३९ वर्षको उमेरमा युएस ओपनको सेमिफाइनलमा पुगेका थिए ।

समग्रमा फेडेरर ग्राण्डस्लाम टेनिसमा ४५ औं पल्ट सेमिफाइनलमा पुगेका हुन् । यो संख्या सर्वियन स्टार नोभाक जोकोभिचको भन्दा ८ बढी हो । जोकोभिच बुधबारै भएको खेलमार्फत सेमिफाइनल पुगिसकेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्