ग्रिजमन बार्सिलोनामा अनुबन्ध, नेइमारकाे सम्भावना समाप्त

असार २७, २०७६ शुक्रबार २०:४१:३८ | उज्यालो सहकर्मी

स्पेनकाे क्लब बार्सिलोनाले स्टार खेलाडी एन्टोइन ग्रिजमनलाई अनुबन्ध गरेको छ ।

एट्लेटिको मड्रिडबाट बार्साले उनलाई एक सय आठ मिलियन पाउण्डमा अनुबन्ध गरेको हो । पछिल्लो दुई सिजनदेखि क्लबमा भित्र्याउने तरखर गरे पनि सफल नभएको बार्सिलोनाले अन्ततः ग्रिजमनलाई महंगो रकममा अनुबन्ध गरेको छ । हाल स्पेनको इबिजामा छुट्टि मनाइरहेका उनले बार्सिलोनासँग पाँच वर्षको सम्झौता गरेको बताइएको छ । जसमा उनले सात सय १७ मिलियन पाउण्ड रकम पाउनेछन ।

२८ वर्षे ग्रिजमनले अब विश्वका उत्कृष्ट खेलाडीको जमघट रहेको बार्सिलोनामा लियोनल मेस्सी र लुइस स्वारेजसँग आफ्नो क्षमता देखाउनुपर्नेछ । नयाँ सिजनको सुरुवातमा एट्लेटिको मड्रिड छोड्ने इच्छा व्यक्त गरेका उनलाई बार्सिलोनाले तुरुन्त सम्पर्क गरेको थियो । गएकाे सिजन पनि बार्सिलोनामा अनुबन्धका लागि निकै नजिक पुगेर अन्तिममा चुकेका उनलाई अनुबन्ध गर्न बार्सिलोनाले यो सिजन निकै कसरत गरेको थियो ।

ग्रिजमनलाई भित्र्याएपछि अब अर्का स्टार खेलाडी नेइमार क्याम्प नोउ फर्किने सम्भावना समाप्त भएको छ । ब्राजिलका खेलाडी नेइमार पछिल्लो पटक बार्सिलोना फर्कने भन्दै निकै चर्चा भएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्