सचिनलाई आईसीसीकाे 'हल अफ् फेम'

साउन ३, २०७६ शुक्रबार १४:५६:४१ | उज्यालो सहकर्मी

क्रिकेटका हस्ती सचिन तेन्दुल्करको नाम आईसीसी हल अफ् फेममा दर्ता भएको छ ।

आईसीसीले सचिनसँगै दक्षिण अफ्रिकी हस्ती एलन डोनाल्ड र अष्ट्रेलियन पूर्व खेलाडी क्याथ्रिन फिजप्याट्रिकलाई पनि हल अफ् फेमको सम्मान दिएको छ । हल अफ् फेमको सम्मान पाउन सन्यास लिएको कम्तीमा पाँच वर्ष पूरा भएको हुनुपर्छ ।

सचिनले एकदिवसीय क्रिकेटमा १८ हजारभन्दा बढी रन बनाएका छन् । त्यस्तै टेस्ट क्रिकेटमा सबैभन्दा धेरै रन बनाउने कीर्तिमान पनि सचिनकै नाममा छ । अन्तर्राष्ट्रिय क्रिकेटमा सय शतक बनाउने सचिन एक्ला खेलाडी हुन् । हल अफ् फेममा दर्ता हुने सचिन छैटौं भारतीय खेलाडी हुन् ।

अघिल्लो वर्ष राहुल द्रविडले यो सम्मान पाएका थिए । त्यसअघि बिसन सिंह बेदी, सुनिल गभास्कर, कपिल देव र अनिल कुम्बलेले पनि यो सम्मान पाएका थिए । ४६ वर्षे सचिनले कुल ३४ हजार ३ सय ५७ रन बनाएका छन् ।

दक्षिण अफ्रिकी खेलाडी एलन डोनाल्ड आफ्नो समयका उत्कृष्ट बलर हुन् । उनले टेस्टमा ३३० र एकदिवसीय क्रिकेटमा २७२ विकेट लिएका छन् । उनले सन् २००३ मा सन्यास लिएका थिए ।

महिला क्रिकेटमा सबैभन्दा धेरै विकेट लिने खेलाडीको दोस्रो स्थानमा रहेकी फिजप्याट्रिकले १८० एकदिवसीय र ६० टेस्ट विकेट लिएकी थिइन् । क्याथ्रीनले अष्ट्रेलियालाई दुई पटक विश्वकपको उपाधि जिताएकी थिइन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्