धोनीले दुई महिना क्रिकेट नखेल्ने, तत्काल सन्यास पनि नलिने : रिपाेर्ट

साउन ४, २०७६ शनिबार १४:४९:५९ | उज्यालो सहकर्मी

अहिले खेल जगतमा भारतीय क्रिकेट टिमका पूर्व कप्तान तथा विकेटकीपर महेन्द्रसिंह धोनीले कहिले सन्यास लिन्छन् भन्ने कुरा चर्चामा छ ।

यही चर्चा चलिरहँदा धोनीले एउटा निर्णय गरेका छन् । धोनीका अनुसार आउँदो अगष्ट ३ बाट सुरु हुने भारतीय क्रिकेट टिमको वेस्ट इण्डिज भ्रमणमा उनी संलग्न हुने छैनन् ।

एमएसके प्रसादको अध्यक्षतामा वेस्ट इण्डिज भ्रमणका लागि आइतबार भारतीय टिमको घोषणा हुनेछ । भारतीय क्रिकेट टिमका पूर्व कप्तान धोनीले वेस्ट इण्डिज भ्रमणमा आफू संलग्न नहुने बताएका छन् । धाेनीकाे स्थानमा कसलाई खेलाउने भन्ने बारे पनि चर्चा सुरु भएकाे छ ।

प्यारामिलिट्री फोर्सको प्याराशूट रेजिमेन्टमा धोनी मानार्थ लेफ्टिनेन्ट कर्नेल हुन् । भारतीय क्रिकेट बोर्ड (बीसीसीआई) एक शीर्ष अधिकारीका अनुसार धोनीले आफ्नो रेजिमेन्टसँग दुई महिना रहेर सेवा गर्नेछन् ।

‘धोनीले वेस्ट इण्डिज भ्रमणमा संलग्न नहुने कुरा आफैँ बताएका छन् । उनी आफ्नो अर्धसैनिक रेजिमन्टसँग दुई महिना बिताउन चाहन्छन्', बीसीसीआईका एक शीर्ष अधिकारीले भने ।

धोनीले सन्यासको बारेमा पनि केही भनेका छैनन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्