श्रीलंका सिरिज अगाडि बंगलादेशकाे कप्तान परिवर्तन: माेर्तजाकाे सट्टा तमिम इकबाल

साउन ४, २०७६ शनिबार १८:५९:१६ | उज्यालो सहकर्मी

बंगलादेशले श्रीलंका सिरिज अगाडि टिमको कप्तान परिवर्तन गरेको छ ।

विश्वकपमा कप्तानी गरेका माश्रफे मोर्तजाकै कप्तानीमा यसअघि श्रीलंकाविरुद्धको सिरिजका लागि टिम घोषणा गरिएको थियो । तर मोर्तजा घाइते भएपछि तमीिम इकबाललाई कप्तान बनाइएको हो ।

मीरपुरमा भइरहेको ट्रेनिङमा मोर्तजा घाइते भएपछि इकबाललाई अन्तरिम कप्तानको रुपमा श्रीलंका पठाइएको बंगलादेश क्रिकेट बोर्डले जनाएको छ । यस सिरिजमा शाकिब अल हसन र लिटन दासलाई विश्राम दिइएकाले पनि इकबालले कप्तानी गर्न लागेका हुन् ।

यसैगरी अर्का अलराउण्डर शैफुद्दिन पनि घाइते भएकाले उनी पनि श्रीलंका जान पाएका छैनन् भने माेर्तजा र शैफुद्दिनको ठाउँमा तास्किन अहमद र फरहाद राजालाई टिममा बोलाइएको छ । बंगलादेशले श्रीलंकाका तीन वटा एक दिवसीय खेल खेल्नेछ ।

तीन वटै खेल कोलम्बोको आर प्रेमदासा स्टेडियममा हुनेछ । बंगलादेश टिममा तमिम इकबाल (कप्तान), सौम्य सरकार, मोहम्मद मिथुन, अनामुल हक, मुश्फिकुर रहlम, महमुदुल्लाह, मोसाद्देक हाेसन, सबीर रहमान, फरहाद राजा, मेहिदी हसन, मुस्तफिजुर रहमान, रुबेल हुसेन, तास्कीन अहमद र तैजुल इस्लाम रहनेछन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्