इन्टरनेसनल च्याम्पियन्स कप: मैत्रीपूर्ण खेलमा टोटनह्यामले युभेन्टसलाई हरायाे

साउन ५, २०७६ आइतबार २०:४८:४४ | उज्यालो सहकर्मी

टोटनह्याम हट्सपरले मैत्रीपूर्ण फुटबलमा युभेन्टसलाई पराजित गरेको छ ।

इन्टरनेसनल च्याम्पियन्स कप अन्तर्गत सिंगापुरमा भएको खेलमा टोटनह्यामले युभेन्टसमाथि ३–२ गोलको जित निकालेको हो । एरिक लामेलाले ३१ औं मिनेटमा गोल गर्दै टोटनह्यामलाई अग्रता दिलाएका थिए ।

पहिलो हाफमा १ गोलले पछि परेको क्रिष्टियानो रोनाल्डो प्रेरित युभेन्टसले दोस्रो हाफको शुरुमा बराबरी गोल गरेको थियो । ५६ औं मिनेटमा गोन्जालो हिगुइनले बराबरीमा ल्याएका थिए । ६० औंँ मिनेटमा क्रिष्टियानो रोनाल्डोले गोल गर्दै २–१ को अग्रता दिलाए । टोटनह्यामका लुकास मौराले गोल गर्दै ६५ औं मिनेटमा खेलमा फर्काएका थिए ।

तर दोस्रो हाफको अतिरिक्त समयमा ह्यारी केनले उत्कृष्ट गोल गर्दै टोटनह्यामलाई जित दिलाउन सफल भए । उनले ५० यार्ड टाढाबाट गोल गर्दै ३–२ को जित दिलाएका हुन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्