विश्वकप छनोट : मलेसियाविरुद्धको खेलमा नेपालको कप्तानी मल्लले सम्हाल्ने, वर्षा बन्यो बाधक

साउन ८, २०७६ बुधबार ७:१७:२२ | उज्यालो सहकर्मी

कतारविरुद्धको खेलमा घाइते हुन पुगेका नेपालका कप्तान पारस खड्का मलेसियाविरुद्धको खेलमा नखेल्ने भएका छन् । पारसको अनुपस्थितिमा नेपालको कप्तानी उपकप्तान ज्ञानेन्द्र मल्लले निभाउनेछन् ।

मंगलबार पहिलो बलबाटै घाइते भएका पारसले दोस्रो इनिङमा बेन्चमा बसे ।

मंगलबार साँझ उनले चिकित्सकसँग उपचार तथा परामर्श लिएका थिए । मंगलबारकोभन्दा धेरै ठीक भएको छ । तर, पूर्ण रुपमा फिट भइनसकेकाले बुधबारको खेलमा उनलाई आराम दिइएको छ ।

बुधबारको म्याचमा वर्षा हुने सम्भावना छ । नेपाललाई बाँकी तीनवटै खेल जित्नु पर्ने दबाब छ । तर, नेपाल र मलेसियाबीचको म्याचको पूरै समय वर्षा हुने सम्भावना छ ।

सिंगापुरस्थित इण्डियन एसोसियसन क्रिकेट मैदानमा पानी परिरहेको छ । बुधबारको म्याचबाट नेपालले दुई अंक नजितेको खण्डमा ग्लोबल क्वालिफायरमा नपुग्ने सम्भावना चुलिनेछ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्