टी-२० क्रिकेट: जसकाे डेब्यू खेल नै अन्तिम बन्याे

साउन ९, २०७६ बिहीबार २०:४७:५३ | उज्यालो सहकर्मी

टी-२० क्रिकेट आफैँमा रोमाञ्चक हुन्छ । छोटो फर्म्याटको क्रिकेट भएकाले यसमा रनको वर्षा पनि हुन्छ ।

थोरै समयमा धेरै मनोरञ्जन पनि हुने भएकाले ५० ओभरको क्रिकेट भन्दा २० ओभरको क्रिकेट फलो गर्नेहरुको संख्या पनि बढ्दो छ ।

टी-२० विश्वकप सन् २००७ मा पहिलो पटक आयोजना गरिएको थियो । भारतले पहिलो पटक अन्तर्राष्ट्रिय टी-२० दक्षिण अफ्रिकाविरुद्ध सन् २००६ मा खेलेको थियो भने त्यसयता लगातार टी-२० खेल्दै पनि आएको छ । पहिलो खेलमा भारत ६ विकेटले विजयी भएको थियो ।

त्यस खेलमा दिनेश कार्तिकले अविजित ३१ रन बनाएका थिए भने महेन्द्रसिंह धोनी शून्य रनमै पेभेलियन फर्किएका थिए । अहिलेसम्म भारतीय टिमले ११५ वटा टी-२० खेलेकोमा ७१ वटामा जित हात पारेको छ । ४१ खेलमा पराजित हुँदा ३ खेलमा भने निर्णय आएन ।

आज हामी भारतका तीन खेलाडी जसको डेब्यू टी-२० नै अन्तिम टी-२० बन्यो, यस बारेमा चर्चा गर्न गैरहेका छौँ–

१. दिनेश मोंगिया

दक्षिण अफ्रिकाविरुद्ध भारतको पहिलो टी-२० मा दिनेश मोंगियाले डेब्यू गरेका थिए । त्यो खेलमा उनले ४५ बलमा ३८ रन जोडेका थिए । उनी चाल्स लेंगवेल्टको बलमा क्याच आउट भएर पेभेलियन फर्किए । त्यसपछि उनी कहिल्यै टी-२० खेल्न मैदान प्रवेश गरेनन् ।

बरु उनी विवादित टी-२० लिग अर्थात् इन्डियन क्रिकेट लिगमा आबद्ध भएका थिए । जसका कारण उनले आईपीएल पनि खेल्न पाएनन् । उनको डेब्यू टी-२० नै अन्तिम टी-२० भयो ।

२. राहुल द्रविड

भारतीय क्रिकेट टिमका भरपर्दा ब्याट्सम्यान हुन्, राहुल द्रविड । उनी भारतीय टिमको कप्तान पनि भएका थिए । ३१ अगस्ट २०११ मा इंग्ल्याण्डविरुद्ध टी-२० मा डेब्यू गरेका द्रविडले २१ बलमा ३१ रन बनाएका थिए । जसमा उनले समित पटेलको बलमा लगातार तीन छक्का प्रहार गरेका थिए ।

तर त्यो खेलमा भारत ६ विकेटले पराजित भएको थियो । त्यही डेब्यू खेल नै द्रविडका लागि अन्तिम अन्तर्राष्ट्रिय टी-२० खेल बन्यो ।

३. सचिन तेन्दुलकर

विश्वकै सर्वाेत्कृष्ट तथा मास्टर बलास्टर सचिन तेन्दुलकरले पनि एउटा मात्रै टी-२० क्रिकेट खेलेका छन् । उनले दक्षिण अफ्रिकाविरुद्ध भएको भारतको पहिलो टी-२० खेलेका थिए । त्यस खेलमा उनले १२ बलमा दश रन बनाएका थिए भने २ दशमलव ३ ओभर बलिङ गर्दा एक विकेट हात पारेका थिए ।

त्यसपछि सचिन पनि कहिल्यै अन्तर्राष्ट्रिय टी-२० क्रिकेटमा फर्किएनन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्