छिमेकी वडाका अध्यक्षलाई कुटपिट गर्ने वडाध्यक्षविरुद्ध मुद्दा दर्ता

साउन ९, २०७६ बिहीबार १८:४३:२७ | शिव ढुंगाना

ओखलढुंगा – चम्पादेवी गाउँपालिका वडा नम्बर-८ का वडाध्यक्ष अजय लुइँटेलमाथि सार्वजनिक शान्ति विरुद्धको कसुरमा मुद्दा दर्ता भएको छ ।

जिल्ला प्रहरी कार्यालय ओखलढुंगामा लुइँटेल विरुद्ध छिमेकी वडाका वडाध्यक्षमाथि कुटपिट गरेको, कर्मचारीलाई नाक भाँच्ने धम्की दिएको लगायतको अभियोगमा मुद्दा दर्ता भएको हो ।

त्यसै गाउँपालिका-७ का वडाध्यक्ष सुरेश थापाले गाउँपालिकाको कार्यालयमै ०७६ असार ३० गते दिउँसो आफूमाथि कुटपिट गरेको भन्दै जिल्ला प्रहरी कार्यालय ओखलढुंगामा साउन १ गते लुइँटेलविरुद्ध उजुरी दिनुभएको थियो । घटनाका प्रत्यक्षदर्शी खड्ग कार्कीका अनुसार गाउँपालिकामा काम गरिरहेको अवस्थामा दिउँसो ३ बजे रक्सी पिएर लुइँटेलले थापामाथि कुटपिट गरेका थिए । कार्कीले आफूले थापालाई जोगाएको पनि बताउनुभएको छ ।

उजुरी लिएपछि प्रहरीले आरोपित वडध्यक्ष लुइँटेललाई छलफलका लागि बोलाएको थियो । प्रहरीले एक हप्ता कुर्दा पनि लुइँटेल नआएपछि मुद्दा दर्ता गरेको हो । लुइँटेलको अध्यक्ष थापामाथि कुटपिट गरेको, गाउँपालिकाका प्रमुख प्रशासकीय अधिकृत तुलसीराम भगत र सुब्बा ईश्वर ढुंगानालाई समेत कुटपिट गर्ने धम्की दिएको अडियो रेर्कड पनि प्रहरीलाई बुझाइएको छ ।

जिल्ला प्रहरी कार्यालय ओखलढुंगाका डीएसपी पुष्पराज मल्लले उजुरी मुद्दाका रुपमा दर्ता भएकाले अब कानुनी प्रकृयामा अघि बढ्ने बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्