विश्वकपमा हारेपछि पनि विराट कोहली कसरी कप्तान बने : पूर्व क्रिकेटर गावस्कर

साउन १४, २०७६ मंगलबार १२:८:४७ | उज्यालो सहकर्मी

टेस्ट क्रिकेटमा पहिलो पटक १० हजार रनको आँकडा छुने भारतीय पूर्व क्रिकेटर सुनील गावस्करले विराट कोहलीलाई लिएर प्रश्न उठाएका छन् ।

आईसीसी विश्वकप २०१९ को सेमिफाइनलमा भारतीय टिमले हार बेहोरेपछि पनि विराट कोहलीलाई कप्तान बनाएकोप्रति सुनील गावस्करले आपत्ति जनाएका छन् ।‘यदि विरोट कोहलीलाई फेरि कप्तान बनाउनु नै थियो भने यसको लागि पहिला एक आधिकारिक बैठक हुनुपर्थ्याे’, गावस्करले भने ।

अंग्रेजी समाचार पत्र मिड–डे मा लेखिएको स्तम्भमा गावस्करले भनेका छन्, ‘चयनकर्ताहरुले वेस्ट इण्डिज भ्रमणको लागि कुनै बैठक नगरिकन नै कप्तानको चयन गरेका छन् । विराट कोहलीलाई आफ्नै दममा टिमको कप्तान बनाइएको हो कि चयन समितिको दयाको कारण कप्तान बनाइएको हो ?’

गावस्करले विराट कोहली विश्वकपसम्मको लागि मात्र कप्तानको रुपमा चुनिएको बताएका छन् ।

एमएसके प्रसादको अध्यक्षता रहेको भारतीय क्रिकेट कन्ट्रोल बोर्डको चयन समितिले वेस्ट इण्डिज भ्रमणका लागि विराट कोहलीलाई तीन ओटै फर्म्याटको कप्तान चुनेको छ ।

तर भारतीय क्रिकेट टिमका प्रशिक्षक रवी शास्त्री र भारतीय पूर्व क्रिकेटर सञ्जय मन्ज्रेकरले भने सुनील गावस्करको टिप्पणीलाई लिएर असहमति जनाएका छन् । प्रशिक्षक शास्त्रीले विराट कोहली दोस्रो पटक कप्तान बन्नु खुशीको कुरा भएको बताएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्