बंगलादेशविरुद्धको एक दिवसीय सिरिज श्रीलंकाद्वारा क्लिनस्वीप

साउन १६, २०७६ बिहीबार ६:२७:१४ | उज्यालो सहकर्मी

बंगलादेशविरुद्धको एक दिवसीय सिरिज श्रीलंकाले क्लिनस्वीप गरेको छ । बुधबार भएको तेस्रो तथा अन्तिम एक दिवसीयमा श्रीलंका १२२ रनले विजयी भएसँगै ३–० ले सिरिज जितेको हो ।

घरेलु टोली श्रीलंकाले बंगलादेशलाई २९५ रनको लक्ष्य दिएको थियो । टस जितेर पहिला ब्याटिङ गरेको श्रीलंकाकाले निर्धारित ओभरमा ८ विकेट गुमाएर २९४ रन बनाएको थियो । श्रीलंकाका लागि एन्जेलो म्याथ्यूजले सर्वाधिक ८७ रन बनाउँदा कुशल मेन्डिसले ८४ रनको पारि खेले । डिमुथ करुनारत्नेले ४६ तथा कुशल परेराले ४२ रन जोडे ।

बंगलादेशका सफिउल इस्लाम र सौम्य सरकारले तीन–तीन विकेट लिए । २९५ रनको लक्ष्यसहित मैदान उत्रिएको बंगलादेश ३६ ओभरमा १७२ रन बनाउँदा अल आउट भयो । बंगलादेशका सौम्य सरकारले सर्वाधिक ६९ रन बनाउँदा तेजुल इस्लामले नट आउट ३९ रनको पारि खेले ।

बंगलादेशका सात जना खेलाडीले दोहोरो अंकमा रन बनाउन सकेनन् । बंगलादेशलाई सस्तैमा समेट्न दासुन सनकाले तीन तथा कसुन रजिथा र लिहरु कुमाराले दुई दुई विकेट लिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्