थुनाबाट छुटाइदिन्छु भन्दै ठगी

साउन १८, २०७६ शनिबार ७:४५:१७ | रासस

काठमाण्डौ – थुनामा रहेका व्यक्ति छुटाइदिन्छु भनी ठगी हुने गरेको पाइएको छ ।

महानगरीय प्रहरी परिसर काठमाण्डौले एक व्यक्तिलाई पक्राउ गरेपछि यो रहस्य खुलेको हो । थुनामा रहेका व्यक्तिलाई छुटाइदिने भनी एक लाख रुपैयाँ ठगी गरेको खुल्न आएको परिसरका प्रवक्ता प्रहरी नायब उपरीक्षक होबिन्द्र बोगटीले जानकारी दिनुभयो ।

प्रहरी र वकिललाई बुझाउनुपर्छ भन्दै अरु पाँच लाख रुपैयाँ माग गरेकोसमेत खुल्न आएको छ । यो घटनामा संलग्न रहेको आरोपमा महोत्तरीका प्रवीणकुमार लाभलाई पक्राउ गरी परिसरले अनुसन्धान थालेको छ ।

धनुषा जनकपुर उप–महानगरपालिका वडा नं–२ का ३४ वर्षीय मोहम्मद आर्फिन अलिनसँग साउन २ गते एड्भान्स स्वरूप एक लाख रुपैयाँ लिएको पाइएको बोगटीले जानकारी दिनुभयो । बानेश्वरमा रहेको एक क्याफेमा पैसा लिएर फरार भएपछि घटना प्रहरीमा आइपुगेको हो ।

काठमाण्डौको कलङ्कीबाट उनलाई शुक्रबार पक्राउ गरिएको हो । ठगी मुद्दामा गएको असार ३१ गते पक्राउ परी अहिले प्रहरीको हिरासतमा रहेका आकिव जावेद, यमदादुल मोमिन र सगिर शेखलाई छुटाउन प्रहरी र सरकारी वकिललाई पैसा दिनुपर्ने भन्दै उनले ६ लाख रुपैयाँ माग गरेका थिए ।

जावेद भारतीय नागरिक हुन् । उनीहरू अनलाइनमार्फत ५० लाख रुपैयाँ बिगो बराबरको ठगी गरेको आरोपमा पक्राउ परेका व्यक्ति हुन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्