धोनीलाई सातौँ नम्बरमा पठाउने निर्णय मेरो मात्र थिएन : ब्याटिङ प्रशिक्षक बांगर

साउन १८, २०७६ शनिबार १२:१२:४८ | उज्यालो सहकर्मी

आईसीसी विश्वकप २०१९ को पहिलो सेमिफाइनल खेलमा न्यूजिल्याण्डसँग भारत पराजित भएपछि भारतीय टिमको आलोचना हुँदै आएको छ ।

विशेषगरी टिमका सदस्यभित्र नै मनमुटाव भैरहेको छ । न्यूजिल्याण्डविरुद्धको खेलमा भारतीय टिमको ब्याटिङ अर्डर नमिलेको भन्दै व्यापक आलोचना र चर्चाको विषय भएको थियो ।

अहिले आएर भारतीय टिमका पूर्व कप्तान तथा विकेटकिपर महेन्द्रसिंह धोनीलाई सातौँ नम्बरमा पठाइएको बारे भारतीय ब्याटिङ प्रशिक्षक सञ्जय बांगरले प्रस्ट पारेका छन् । सञ्जयले भने, ‘न्यूजिल्याण्डविरुद्धको खेलमा महेन्द्रसिंह धोनीलाई सातौँ नम्बरमा पठाउने निर्णय मेरो मात्र थिएन ।’

गएको जुलाई ९ मो खेलिएको खेलमा भारत न्यूजिल्याण्डसँग १८ रनले हार बेहोर्न बाध्य भएको थियो । त्यो खेलमा धोनीले सातौँ नम्बरमा ब्याटिङ गर्दै ५० रन बनाएका थिए ।

‘म हैरान छु, सबैले मलाई नै निशाना बनाइरहेका छन् । त्यो मेरो एक्लो निर्णय थिएन । सबैको सहमतिमा उनलाई सातौँ नम्बरमा मैदानमा उतारिएको हो । यसकाे पछाडि ४० देखि ५० ओभरकाे बीचमा धेरै रन बनाउनु थियाे’, बंगारले भने ।

न्यूजिल्याण्डसँगकाे खेलमा भारतीय टिमले हार बेहोरेसँगै महेन्द्रसिंह धोनीलाई सञ्जय बांगरले नै सातौँ नम्बरमा पठाएको भनेर आलोचना हुँदै आएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्