भारतीय क्रिकेटरलाई विवाहमा बाेलाउन चाहन्छन् पाकिस्तानी क्रिकेटर हसन अली

साउन २०, २०७६ सोमबार २०:३३:५६ | उज्यालो सहकर्मी

भारतीय मूलकी युवतीसँग विवाह गर्न गैरहेका पाकिस्तानी तीव्र गतिका बलर हसन अलीले भारतीय क्रिकेटरलाई निमन्त्रणा गर्ने बताएका छन् ।

यही सेप्टेम्बरमा दुबईमा हुने विवाह समारोहमा भारतीय क्रिकेटरहरुलाई आमन्त्रित गर्न चाहेको सञ्चारमाध्यमहरुले जनाएका छन् । यद्दपि हसनले आफ्नो निमन्त्रणाको सूचीमा को-को भारतीय क्रिकेटर छन्, त्यसको बारेमा खुलासा गरेका छैनन् ।

हसनले आफ्नो विवाहमा भारतीय क्रिकेटरहरु आउन चाहेको खण्डमा आफू निकै खुशी हुने बताएका छन् । हसनले उर्दू एक्सप्रेससँग कुरा गर्दै भने, ‘म भारतीय क्रिकेट टिमका खेलाडीलाई मेरो विवाहमा आउन निमन्त्रणा दिन्छु । अन्त्यमा हामी सबै क्रिकेटर साथी हौँ ।’

दुबईमा हुने मेरो विवाह समारोहमा केही भारतीय क्रिकेटर आए भने आफूखुशी हुने हसनले बताए । साथै उनले प्रतियोगिता मैदानभित्र हुने र सबै पेसेवर क्रिकेटरले एकैसाथ खुशी साझा गर्नुपर्ने बताए ।

हसनले दुबईको इमिरेट्स एयरलाइन्सकी फ्लाइट इञ्जिनियर शामिया आरजूसँग विवाह गर्दैछन् । यद्दपि आरजूका परिवार दिल्लीमा बसोवास गर्छन्, उनीहरुको मूल थलो भने हरियाणाको मेवात इलाका हो ।

भारतीय मूलकी युवतीसँग विवाह गर्ने हसन अली चौथो पाकिस्तानी बन्नेछन् । यसअघि जहीर अब्बास, मोहसिन खान र शोएब मलिकले भारतीय मूलकी युवतीसँग विवाह गरिसकेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्