डिबाला भित्र्याउन टोटनह्याम तयार, तलबमा कुरा अल्झियो

साउन २२, २०७६ बुधबार ७:४८:४ | उज्यालो सहकर्मी

युभेन्टसका स्टार खेलाडी पउल डिबालालाई अनुबन्धका लागि इंग्लिस क्लब टोटनह्याम सहमति नजिक पुगेको छ । तर आर्थिक हिसाबकिताब भने मिल्न बाँकी रहेको छ ।

अर्को इंग्लिस क्लब म्यानचेस्टर युनाइटेडले डिबालालाई अनुबन्ध गर्न असफल भएपछि टोटनह्यामले उनलाई भित्र्याउने इच्छा गरेको हो । जसमा अर्जेन्टिनी प्रशिक्षक माउरीसिया पोचीटिनोले ठूलो भूमिका खेल्न सफल भए । तर क्लबहरु सहमत भए पनि ड‍िबाला र उनको एजेन्टको हातमा यसको निर्णय रहेको छ ।

डिबालालाई अनुबन्ध गर्न टोटनह्यामले ६९ मिलियन पाउण्ड तिर्न तयार रहेको छ । तर उनले भने साताको तीन लाख पाउण्ड तलब माग गरेका छन् । जुन अहिलेको सर्वाधिक कमाइ गर्ने खेलाडी हेरी केनको भन्दा बढी हो । केनले अहिले टोटनह्याममा साताको २ लाख ५० हजार पाउण्ड तलब पाइरहेका छन् ।

डिबाला बिक्री भएमा युभेन्टसलाई म्यानेचस्टर युनाइटेडका रोमेलु लुकाकुलाई खरिद गर्न पर्याप्त रकम हुनेछ । सुरुवातमा युनाइटेडले डिबाला र लुकाकुलाई साट्ने प्रस्ताव गरेको थियो । जुन सफल भएको थिएन ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्