ग्लोबल टी–२० क्रिकेट: साेमपाल रहेकाे विनिपेग हक्स क्वालिफायर्समा, सन्दीप आवद्ध टिम बाहिरियाे

साउन २४, २०७६ शुक्रबार ७:२१:५५ | उज्यालो सहकर्मी

क्यानडामा जारी ग्लोबल टी–२० क्रिकेट प्रतियोगिताको इलिमिनेटर खेलमा सन्दीप लामिछाने संलग्न टिम टोरन्टो नेशनल्स सोमपाल कामी रहेको विनिपेग हक्ससँग २ रनले पराजित भएको छ ।

बिहीआार हारपछि सन्दीपको टिम प्रतियोगिताबाट बाहिरिएको छ भने सोमपालको टिम क्वालिफायर्समा पुगेको छ ।

टस हारेर ब्याटिङको निम्तो पाएको टोरन्टोले २० ओभरमा ५ विकेट गुमाउँदै दुई सय ३८ रन बनायो । उसका लागि हेनरीच क्लासेनले शतकीय पारी खेले । जसमा उनले ४९ बलमा ११ चौका र ५ छक्काको मद्दतले एक सय ६ रन बनाए ।

यस्तै रोद्रिगो थोमसले ७३ तथा चिराग सुरीले १६ रनको योगदान गरे । ४२ रनमा पहिलो विकेट गुमाएको टोरन्टोका लागि रोद्रिगो र हेनरीचले शतकीय साझेदारी गरेका थिए ।

त्यसछि अरु खेलाडीले खासै राम्रो साझेदारी गर्न नसके पनि टिमले ठूलो योगफल तयार पार्यो । यो खेलमा सोमपाल कामीलाई बेन्चमा राखिएको थियो भने सन्दीप टिममा परेका थिए ।

जवाफमा पर्याप्त लाइट नभएपछि हक्सले टोरन्टोलाई डीएल प्रणालीबाट २ रनले पराजित गर्दै क्वालिफायर्समा पुग्न सफल भयो । सुरुवात राम्रो गर्न नसकेको हक्सले २७ रनमा दुई विकेट गुमाएको थियो । त्यसपछि उसले ४९ रनमा तेस्रो विकेट खेर फाल्यो । उसका क्रिस लीन २१ रनमा आउट भए भने शाइमन अनवर पाँच तथा उमर अकमल एक रनमा पेभेलियन फर्किए ।

यस्तै सन्नी सोहेललाई सन्दीपले ३६ रनमा पेभेलियनको बाटो देखाए । अन्तिममा जेपी डुमिनी र रयाद एम्रित क्रिजमा हुँदा पर्याप्त लाइट नभएपछि खेल रोकियो । जसका कारण डीएल प्रणालीमा सन्दीप आवद्ध टिम दुई रनले पराजित भयो ।

डीएल प्रणाली अनुसार हक्सले एक सय ९९ रनको नयाँ लक्ष्य पाएको थियो । जसमा हक्सले दुई सय एक रन बनाइसकेको थियो । डुमिनी ८५ रनमा अविजित रहे भने इम्रितले ३३ रन बनाए । यो खेलमा सन्दीपले २ विकेट लिएका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्