मालदिभ्सकाे प्रिमियर लिगमा जम्दै विमल

साउन २५, २०७६ शनिबार ९:१९:३१ | उज्यालो सहकर्मी

नेपाली राष्ट्रिय फुटबल टिमका स्ट्राइकर विमल घर्ती मगरकाे गाेलमा टीसी स्पोर्टस क्लबले माल्दिभ्सको धिवेही प्रिमियर लिगमा सहज जित निकालेको छ ।

शुक्रबार राति भएको खेलमा टीसीले निलान्धो स्पोर्ट्स क्लबलाई २-० गोल अन्तरले पराजित गर्‍याे ।

टीसीको जितमा विमल घर्ती मगर र इशान इब्राहिमले एक-एक गोल गरे । ग्राण्डी विरूद्दकाे खेलमा पनि विमलकाे गाेलमा हार टारेकाे टिसीले निलान्धाे विरूद्दकाे जितमा पनि विमलकाे गाेलमा अग्रता बनाएकाे थियाे ।

खेलको १२ औं मिनेटमा विमलले गोल गर्दै टीसीलाई अग्रता दिलाएका थिए । त्यसपछि खेलको ४० औं मिनेटमा इशानले गोल गर्दै टीसीलाई २-० ले अगाडि राखे ।

पहिलाे हाफमा नै टीसीले २ गाेलकाे अग्रता बनाएकाे थियाे । तर दाेस्राे हाफमा भने टीसीले थप गाेल गर्न सकेन । जसका कारण पहिलाे हाफमा गरेकाे २ गाेल नै पर्याप्त बन्याे । याे खेलमा विमल म्यान अफ् द म्याच समेत चुनिए ।

जितसँगै टीसीले ७ खेलबाट १२ अंक जोडेको छ । टीसी चौथो स्थानमा रहेको छ । पराजित निलान्धो ८ खेलमा अंकविहीन रहेको छ । निलान्धो पुछारबाट दोस्रो स्थानमा छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्