१२ औँ 'साग' अन्तर्गत शारीरिक सुगठनमा पदक जित्ने खेलाडीलाई नगदसहित सम्मान

साउन २७, २०७६ सोमबार १८:३२:२१ | उज्यालो सहकर्मी

काठमाण्डौ – भारतमा भएको १२ औं दक्षिण एसियाली खेलकुद 'साग' अन्तर्गत शारीरिक सुगठनमा पदक जित्ने खेलाडीहरुलाई सम्मान गरिएको छ ।

नेपाल शारीरिक सुगठन संघले काठमाण्डौमा सोमबार विशेष कार्यक्रमकाबीच १६ जना खेलाडीलाई नगदसहित सम्मान गरेको हो । १२ औं सागमा स्वर्ण पदक जित्ने खेलाडीलाई ५० हजार रुपैयाँ, रजत पदक जित्नेलाई ३० हजार रुपैयाँ र काँस्य पदक जित्नेलाई २० हजार रुपैयाँ प्रदान गरिएको हो ।

सागमा स्वर्ण पदक जित्दै ५० हजार रुपैयाँ प्राप्त गर्ने खेलाडीमा समिर श्रेष्ठ, नरेश मालाकर र मालिका शाक्य रहेका छन् । त्यसैगरी सागमा रजत पदक जित्दै ३० हजारसहित सम्मानित हुनेमा कमल भण्डारी, रमेश कार्की, निशान्त प्रधान, राजु राई, प्रमोद राई, रजनी श्रेष्ठ र पूजा श्रेष्ठ रहेका छन् ।

यस्तै सागमा काँस्य पदक हात पार्ने कृष्ण दास दिवाकर, प्रज्वलमान शाक्य, अशोक महर्जन, मिलन सिजापती, कृष्ण महर्जन र सुजिता मानन्धरलाई २० हजार रुपैयाँसहित सम्मान प्रदान गरिएको हो ।

नेपाल शारीरिक सुगठन संधका अध्यक्ष राजेशबाबु श्रेष्ठले खेलाडीहरुलाई नगद प्राप्त गर्दा भन्दा पनि देशको नाम राख्न सफल भएकोमा खुशी हुन आग्रह गर्नु भएको थियो ।

यही सम्मान कार्यक्रमको अवसरमा थाईल्यान्डमा हुने एसिया प्यासेफिक च्याम्पियनसिपमा सहभागी हुन जाने चार जनालाई बिदाइ गरिएको छ ।

प्रतियोगितामा समिर श्रेष्ठले ६५ केजी तौल समूहमा प्रतिस्पर्धा गर्दा मालिका शाक्यले वुमेन फिजिक्स र राजु राईले मेन्स फिटनेस फिजिकमा प्रतिस्पर्धा गर्ने छन् । उनीहरुसँग अफिसियलको रुपमा दिनेश राजभण्डारी पनि थाइल्याण्ड जानु हुनेछ । प्रतियोगिता साउन ३१ देखि भदौ १ गतेसम्म हुँदैछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्