साफ यू–१८ च्याम्पियनसिपका लागि दोस्रो चरणमा ३० जना खेलाडी छनोट

साउन २८, २०७६ मंगलबार १७:२५:३ | उज्यालो सहकर्मी

काठमाण्डौ – अखिल नेपाल फुटबल संघ (एन्फा) ले दक्षिण एसियाली खेलकुद महासंघ (साफ) यू–१८ च्याम्पियनसिपका लागि दोस्रो चरणमा ३० जना खेलाडी छनोट गरेको छ ।

मुख्य प्रशिक्षक चेतनारायण श्रेष्ठले पहिलो चरणमा प्रशिक्षणका लागि बोलाइएका ४६ जना खेलाडीबाट १६ जना हटाउँदै दोस्रो चरणको सूची सार्वजनिक गर्नु भएको हो ।

पहिलो चरणबाट बाहिरिएका खेलाडीहरु राम्रा भए पनि अझै सुधार गर्नुपर्ने प्रशिक्षक श्रेष्ठले बताउनु भयो । प्रशिक्षक श्रेष्ठले टिमभित्र रहेका मध्ये १२ जना खेलाडीसँग ए डिभिजन लिगको अनुभव भएकोले उनीहरुले आफूलाई अझै सुधार गर्न सक्ने विश्वास व्यक्त गर्नुभयो ।

घरेलु मैदानमा हुने च्याम्पियनसिपमा नेपाल, माल्दिभ्स, पाकिस्तान र भुटान समूह ए मा छन् । त्यस्तै भारत, श्रीलंका र बंगलादेश समूह बी मा छन् । प्रशिक्षक श्रेष्ठले आफ्नो लक्ष्य फाइनल पुग्ने र उपाधि जित्ने रहेको बताउनुभयो । उहाँले सेप्टेप्बर पहिलो हप्ता २३ जनाको अन्तिम नामावली सार्वजनिक गर्ने बताउनुभयो ।

प्रतियोगिता सेप्टेम्बर २० देखि २९ तारिखसम्म हलचोकको एपीएफ मैदानमा हुनेछ ।

यस्तो छ ३० जना खेलाडीको सूची-

गोलकिपरः विशाल सुनार, रोहित कार्की, सूर्य अधिकारी र पुजन होना ।
डिफेन्डरः विशाल बस्नेत, रन्दीप पौडेल, पदम भट्टराई, असिम गुरुङ, सुजन शर्मा, नविन गुरुङ, रोशन दोङ, बिशान्त बस्नेत, अलिक रुम्बा र अन्जन महर्जन ।
मिडफिल्डरः शिशिर लेखी, दिपेश गुरुङ, रोशन रानामगर, राजन पुन, आकाश बुढामगर, रेजिन माझी, जय गुरुङ, मनिष थापा, कुसल फुया, नीतिन थापा ।
फरवार्डः बृजेश चौधरी, सचु गुरुङ, निरज चौधरी, कैलाश लामिछाने, दर्शन गुरुङ र मनिष डाँगी ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्