खेलाडी अनुबन्धमा नियम उल्लंघन गरेपछि सिटीमाथि जरिबाना

साउन २९, २०७६ बुधबार ७:३९:२३ | उज्यालो सहकर्मी

इंग्लिस प्रिमियर लिगको साविक विजेता म्यानचेस्टर सिटीले खेलाडी अनुबन्धमा विश्व फुटबल महासंघ फिफाको नियम उलंघन गरेको भन्दै जरिबाना लगाइएको छ । तर उसलाई खेलाडी अनुबन्धमा भने रोक लगाइएको छैन ।

सिटीले फिफाको नियम विपरीत युवा खेलाडीलाई अनुबन्ध गरेको भन्दै फिफाले जरिबाना लगाएको हो । तर यो सिजनमा नयाँ खेलाडी ल्याउन हुनसक्ने प्रतिबन्धबाट भने बचेको छ ।

प्रिमियर लिग च्याम्पियन सिटीलाई फिफाले तीन लाख ३० हजार स्वीस फ्रांक जरिबाना लगाएको छ । फिफाका अनुसार सिटीले आर्टिकल १९ अन्तर्गत अन्तर्राष्ट्रिय खेलाडी अनुबन्ध गर्दा १८ वर्ष नपुगेकोलाई भित्र्याएको, जुन फिफाको नियम अनुसार उचित नभएको जनाएको छ ।

सिटीले भने आफूले अनुबन्ध गरेका युवा खेलाडी, व्यावसायिक नभएर खेलाडीसँगको सम्बन्धका कारण र उनीहरुलाई मैत्रीपूर्ण खेलमा मात्र खेलाएको जनाएको छ । साथै सिटीले फिफाको अनुसन्धानमा पूर्णरुपमा साथ दिने बताएको छ ।

गएकाे सिजन घानाको ड्रिम फुटबल एकेडेमीबाट सिरा लियानी र डोमिनीक ओडुरोलाई सिटीले अनुबन्ध गरेको थियो । फिफाको जरिबानाविरुद्ध सिटीले कोर्ट अफ आर्बिटेसनमा अपिल गर्ने भएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्