लिभरपुलले जित्यो चाैथाे पटक सुपर कपको उपाधि

साउन ३०, २०७६ बिहीबार ७:१०:४६ | उज्यालो सहकर्मी

यूईएफए सुपर कपको उपाधि लिभरपुलले जितेको छ । फाइनलमा फ्रांक लाम्पार्डको टिम चेल्सीलाई पेनाल्टीमा पाँच–चारले पराजित गर्दै लिभरपुलले चौथो पटक सुपर कपको उपाधि जित्न सफल भयो ।

टर्कीको स्तानबुलमा भएको निकै रोमाञ्चक खेलमा दुवै टिमले निर्धारित ९० मिनेट र थप गरिएको इन्जुरी समयमा दुई–दुई गोलको बराबरी खेलेका थिए । त्यसो त चेल्सीले सुरुवाती एक गोलको अग्रता जोगाउन सकेन ।

खेलको पहिलो आधा घण्टा बराबरी भएको थियो । ३६ औं मिनेटमा ओलिभर जिरुडले गोल गर्दै चेल्सीलाई अग्रता दिलाएका थिए । पहिलो हाफमा एक गोलले अगाडि रहेको चेल्सीविरुद्ध लिभरपुलले ४८ औं मिनेटमा खेल बराबरी गर्‍यो । उसका साडियो मानेले गोल गर्न सफल भए ।

यो सिजन पहिलो पटक पुरै खेल खेलेका मानेकै गोलमा ९५ औं मिनेटमा लिभरपुलले अग्रता बनायो ।

त्यसपछि निर्धारित ९० मिनेटमा अरु गोल नभएपछि खेल अतिरिक्त समयमा धकेलियो । जसमा एक सय एक मिनेटमा जोर्गिन्होले पेनाल्टीमार्फत गोल गर्न सफल भए । खेल दुई दुईको अवस्थामा पुगेका बेला अरु गोल नभएपछि टाइब्रेकरमा धकेलियो । जसमा लिभरपुलले पाँच गोल गर्दा चेल्सीका केभिन अब्राहिमको प्रहार लिभरपुलका गोलकिपर एड्रियनले बचाए ।

पेनाल्टीमा लिभरपुलका रोबर्टो फेरमिन्हो, फाबिन्हो, ओरिगी, एलेक्सान्देर आर्नोल्ड र मोहम्मद सलाहले गोल गरेका थिए । यता चेल्सीका जोर्गिन्हो, र्बाक्ले, मोउन्ट र इमिरसनले गोल गर्दा अब्राहमका प्रहार रोकिन पुग्यो ।

प्रिमियर लिगमा पनि बलियो सुरुवात गरेको लिभरपुलले सुपर कपको उपाधि चौथो पटक उचाल्न सफल भयो ।

यता लाम्पार्डका लागि चेल्सी आगमन निकै खल्लो बनेको छ । प्रिमियर लिगको पहिलो खेलमा म्यानचेस्टर युनाइटेडसँग चार शून्यको हार ब्यहोरेका लाम्पार्डको लगातार दोस्रो हार बनेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्