अफगानिस्तानविरुद्धकाे दाेस्राे मैत्रीपूर्ण भलिबल प्रतियाेगिता पनि नेपालले जित्याे

साउन ३०, २०७६ बिहीबार १८:२७:२७ | उज्यालो सहकर्मी

काठमाण्डाै - एसियन सेन्ट्रल जोन भलिबलको तयारी स्वरुप अफगानिस्तान विरुद्धको दुई वटै मैत्रीपूर्ण खेल नेपालले जितेकाे छ ।

झण्डै एक वर्षपछि विदेशी टिमसँग खेलेको नेपालले दुवै खेलमा उत्कृष्ट कमब्याक गर्न सफल भयो । लगनखे स्थित आर्मीको कोर्टमा भएको खेलमा नेपालले दुवै खेल पाँच सेटमा जितेको हो । पहिलो खेलमा पनि सुरुवाति सेट गुमाएको नेपालले कमब्याक गर्दै खेल ३-२को सेटमा जित निकालेको थियो ।

बिहीबार भएको दोस्रो खेलमा पनि नेपालले सुरुवाति दुई सेट गुमाइसकेको अवस्थामा उत्कृष्ट कमब्याक गर्दै खेल ३-२ ले नै जित्यो । नेपालले पहिलो सेट २५–२२ ले गुमायो भने दोस्रो सेट २५–१५ ले हार्न पुग्यो । नेपाल आज भने दुवै सेटमा केहि कमजोर देखियो । नियमित कप्तान इम रानामगर कोर्ट बाहिर रहेको बेफाइदा नेपालले भोग्यो ।

पहिलो सेटमा सुरुवातमा केही प्रतिस्पर्धात्मक रहेपनि दोस्रो सेटमा भने रिसिभ र स्पाइकमा पनि कमजोर देखियो । पहिलो खेलमा बेहोरेको हारमा देखिएका कमजोरीलाई अफगानिस्तान आजको खेलमा निकै सुधार गरेको थियो । तेस्रो सेटमा भने नेपालले सुरुवाति दुई से भन्दा केही राम्रो खेलेको थियो । सुरुवातमा नै चार शुन्य अंकले पछि परेको नेपालले विस्तारै आफुलाई खेलमा फर्काएको थियो । सेटको अन्तिममा २४–२४ को अवस्थामा रहेका बेला नेपालले लगातर दुई अंक बटुल्दै २६–२४ ले जित्न सफल भयो ।

चौथो सेट नेपालले २६–२४ ले जित्न सफल भयो । नेपाली टिमले सुरुवात देखि नै अफगानिस्तानलाई दबाबमा राखेको थियो । सुरुवाति पाँच सर्भिसमा चार अंक बटुलेको नेपालले त्यसपछि केहि गल्ति गर्न पुग्यो । जसका कारण खेल एक सय ११–११ मा पुगेको थियो । त्यसपछि स्कोर १३–१२ को अवस्थामा अफगानिस्तानका खेलाडीले रेफ्रीको निर्णयमा असन्तुष्टि पोखेका थिए । तर त्यसपछि अफगानिस्तानले केही उत्कृष्ट स्पाइक गर्दा स्कोर १८–१६ मा पुर्‍याएको थियो ।

निकै रोमाञ्चक बनेको खेल एक समय १८–१८ को अवस्थामा रहेको थियो । सेटको अन्तिममा खेल झन उत्कृष्ट बनेको थियो । सेट २१–२१ को अवस्थामा रहेका बेला नेपालले दुई अंक बटुल्दै २३–२१ मा पुर्‍याएको थियो । अन्तिममा २३–२३ को अवस्थामा रहेको खेल फेरि २४–२४ अंकमा पुगेको थियो । तर अन्तिममा राजेन्द्र विष्टले दुई अंक स्पाइकबाट बटुल्दै नेपाललाई सेट दिलाए ।

अन्तिम सेट नेपालले १५–१२ ले जित्न सफल भयो । सो सेटमा नेपालले सुरुवातमा दुई सेटले पछि परेको अवस्थामा जित्न सफल भयो । खेलको बीचमा सेट १०–१० को अवस्थामा पुर्‍याएको थियो । तर अन्तिममा नेपालले लगातार तीन अंक ल्याउदै सेट आफ्नो पक्षमा पार्‍याे ।

यो जितसँगै नेपालले एभीसी सेन्ट्रल जोनका लागि मनोबल उच्च बनाएको छ । भदौ २ गतेबाट सुरु हुने प्रतियोगितामा सात टिमको सहभागिता रहेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्