जावलाखेल युथ क्लबका नवनिर्वाचित पदाधिकारीले लिए सपथ

साउन ३२, २०७६ शनिबार १२:४१:४३ | उज्यालो सहकर्मी

ललितपुर – जावलाखेल युथ क्लब ललितपुरको नवनिर्वाचित पदाधिकारीले शनिबार सपथ ग्रहण गरेका छन् । गएको शनिबार भएको चुनावबाट चुनिएका पदाधिकारीको सपथ ग्रहण तथा पदस्थापना भएको हो ।

ललितपुर महानगरपालिकाका मेयर चिरिबाबु महर्जनको उपस्थितिमा निर्वाचन समितिका संयोजक गोकुल खड्काले नवनिर्वाचित पदाधिकारीहरुलाई सपथ गराउनुभएको हो ।

जावलाखेल खेल मैदानमा भएको सपथ ग्रहण तथा पदभार कार्यक्रममा मेयर महर्जनले नवनिर्वाचित पदाधिकारी तथा क्लबसँग महानगरपालिका सहकार्य गर्न तयार रहेको बताउनुभयो । उहाँले जतिधेरै जित र उपाधि ल्याउन सक्यो त्यसैअनुसार सहयोग दिने पनि प्रतिबद्धता जनाउनुभएको छ ।

चुनावबाट महेन्द्र क्षेत्री अध्यक्ष, किरोजसिंह बस्नेत, उज्ज्वल कर्माचार्य र समिर केसी उपाध्यक्ष, पवन गिरी महासचिव, कविर बस्नेत सचिव र महेश महत कोषाध्यक्षमा चुनिनुभएको छ । त्यसैगरी रवि खड्का, प्रदिप तण्डुकार, नरेश थापा, राजु बोगटी, निरज खड्का, सुनिल केसी र विकाश कार्की सदस्यमा निर्वाचित हुनुभएको छ ।

१४ सदस्य चुनावबाट चुनिएका र बाँकी ३ जना कार्यसमितिले मनोनित गर्ने निर्वाचन समितिका संयोजक खड्काले बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्