कश्मीरमा टेलिफोन, जम्मूको ५ जिल्लामा इन्टरनेट सुरु

साउन ३२, २०७६ शनिबार १५:४:२७ | एजेन्सी

भारत प्रशासित कश्मीरमा शनिबार गएको १२ दिनदेखि बन्द भएको फोन सेवा आंशिक रुपमा सुरु गरिएको छ ।

जम्मूको पाँच ओटा जिल्लामा 'टू जी' स्पीडको इन्टरनेट सेवा सुरु गरिएको छ भने कश्मीर क्षेत्रमा टेलिफोन सेवाको सुरु गरिएको छ । अहिले १७ ओटा टेलिफोन एक्सचेन्ज सेवा सुरु गरिएको हो ।

— ANI Digital (@ani_digital) August 17, 2019

बाँकी रहेका सबै टेलिफोन लाइन पनि आइतबार साँझसम्ममा सुरु गरिने बताइएको छ । गएको अगष्ट ५ देखि भारत प्रशासित कश्मीरमा टेलिफोन सेवा बन्द थियो ।

भारत सरकारले जम्मू कश्मीरलाई विशेष राज्यको दर्जा दिने धारा ३७० का केही प्रावधान हटाएर केन्द्रशासित राज्यमा विभाजन गरेपछिकाे अवस्थालाई ध्यानमा राख्दै मोबाइल र टेलिफोनलगायत सबै सञ्चार सेवा बन्द गरिएको थियो ।

जम्मू कश्मीरका योजना आयोगका मुख्य सचिव रोहित कांसलले भने, ‘बिहान कश्मीरको ३५ ओटा पुलिस स्टेशनको इलाकामा प्रतिबन्ध केही खुकुलो पारिएको छ ।’

— ANI (@ANI) August 17, 2019

रोहितले केही संवेदनशील ठाउँहरु छोडेर आइतबार साँझसम्ममा सबै टेलिफोन एक्सचेन्ज सेवा सुरु गर्ने जानकारी दिए । जम्मूमा ल्याण्डलाइन र मोबाइल पहिलेदेखि नै सञ्चालनमा आएको र कम्तीमा पाँच ओटा जिल्लामा मोबाइल सेवा पनि सुरु गरेको बताए ।

पत्रकार मोहित कंधारीका अनुसार जम्मूका पाँच ओटा जिल्ला– जम्मू, रियासी, सांबा, कठुआ र उधमपुरमा टू जी इन्टरनेट सेवा सुरु गरिएको हो ।

त्यस्तै मुस्लिम बाहुल्यता रहेको जिल्ला राजौरी, पुंछ, किश्तवाड, डोडा र राबनमा भने अझै इन्टरनेट सेवा सुरु गरिएको छैन ।मुख्य सचिव कांसलले भने, ‘अब सोमबारदेखि हामी सबै प्राथमिक र माध्यमिक स्कूल खुल्ने आशा गरिरहेका छौँ । हामीले शुक्रबार यसबारेमा बताएका पनि थियौँ ।’

— ANI (@ANI) August 17, 2019

सार्वजनिक यातायात सुरु भएको र कुनै अप्रिय घटना नघटेको उनले जानकारी दिएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्