एभीसी सेन्ट्रल जोन मेन्स भलिबलमा साविक विजेता तुर्कमेनिस्तानको विजयी सुरुवात

भदौ २, २०७६ सोमबार १३:५:० | उज्यालो सहकर्मी

एभीसी सेन्ट्रल जोन मेन्स भलिबलमा साविक विजेता तुर्कमिनेस्तानले विजयी सुरुवात गरेको छ । आर्मी कभर्डहल लगनखेलमा सोमबार भएको पहिलो खेलमा तुर्कमिनेस्तानले अफगानिस्तानलाई ३–१ को सेटमा पराजित गरेको हो ।

निकै प्रतिस्पर्धात्मक खेलको पहिलो सेट टाइ ब्रेकमा ३२–३२ तुर्कमिनेस्तानले अग्रता बनाएको थियो । तर दोस्रो सेटमा अफगानिस्तानले उत्कृष्ट पुनरागमन गर्दै २५–१६ ले आफ्नो पक्षमा सेट पारेको थियो ।

तेस्रो सेट पनि प्रतिस्पर्धात्मक बन्दा तुर्कमिनेस्तानले टाइ ब्रेकमा २७–२५ ले जित्दै २–१ को अग्रता बनायो । चौथो सेट पनि टाइ ब्रेकरमै २६–२४ ले आफ्नो पक्षमा पार्दै तुर्कमिनेस्तान पहिलो खेल जित्न सफल भयो ।

पाँचौं संस्करणको यस प्रतियोगितामा घरेलु टोली नेपालले साेमबार नै कीर्गिजस्तानसँग पहिलो खेल खेल्दैछ । प्रतियोगिता अघि अफगानिस्तानविरुद्धको २ मैत्रीपूर्ण खेल नेपालले जितेको थियो । त्यसपछि नेपाली टिमको आत्मविश्वास बढेको छ । घरेलु दर्शक र कोर्टमा जित हात पार्दै प्रतियोगितामा सुखद् सुरुआत गर्ने योजनामा नेपाली टोली रहेको छ ।

आजको खेलका कप्तान इमराना मगर पनि खेल्ने छन् । अफगानिस्तानविरुद्धको पहिलो मैत्रीपूर्ण खेलमा घाइते भएका उनी दोस्रो खेल गुमाएका थिए । नेपाल र कीर्गिजस्तानबीचको खेल अपरान्ह ४ बजे शुरुहुने छ । नेपाल र कीर्गिस्तानबीचको खेल अघि दिउँसो २ बजे प्रतियोगिताको उद्घाटन समारोह हुने छ ।

साेमबार साँझ ६ बजे बंगलादेश र उज्बेकिस्तान खेल्ने छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्