इंग्लिस प्रिमियर लिग: म्यानचेस्टर सिटीद्वारा बर्नमाउथ पराजित

भदौ ८, २०७६ आइतबार २१:१२:३१ | उज्यालो सहकर्मी

इंग्लिस प्रिमियर लिगमा म्यानचेस्टर सिटीले दोस्रो जित निकालेको छ । आइतबार भएको खेलमा सिटीले एएफसी बर्नमाउथलाई दुई एक गोल अन्तरले पराजित गरेको हो ।

बर्नमाउथको घरेलु मैदानमा भएको खेलमा सिटीले सुरुवातदेखि नै दबाब बनाएको थियो । पुरै खेलमा ७० प्रतिशत बल नियन्त्रणमा राखेकाे सिटीले खेलको १५ औं मिनेटमा नै अग्रता बनायो । केभिन डी ब्रुइनको पासमा सर्जियो अगुइरोले गोल गर्न सफल भए । त्यसपछि ४३ औंँ मिनेटमा सिटीले अन्तर दुई शून्य बनाएको थियो । उसका लागि डेभिड सिल्भाको पासमा रहिम स्ट्रलिङले गोल गर्न सफल भए ।

तर पहिलो हाफको इन्जुरी समयको तेस्रो मिनेटमा सिटीविरुद्ध घरेलु टिम बर्नमाउथले एक गोल फर्काउन सफल भयो । उसका लागि हेरी विल्सनले गोल गर्न सफल भए । दोस्रो हाफमा पनि सिटीले बर्नमाउथमाथि दबाब कायमै गरेको थियो ।

६४ औंँ मिनेटमा अगुइरोले नै टिमका लागि दोस्रो तथा व्यक्तिगत दोस्रो गोल गरेका थिए । जितसँगै सिटी तालिकाको दोस्रो स्थानमा पनि उक्लिएको छ । शीर्ष स्थानमा रहेको लिभरपुलको ९ अंक छ भने दोस्रो स्थानमा आएको म्यानचेस्टर सिटीको ७ अंक भएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्