न्युकासल युनाइटेडसँग टोटनह्याम पराजित

भदौ ९, २०७६ सोमबार ७:३१:३७ | उज्यालो सहकर्मी

इंग्लिस प्रिमियर लिगको उपाधि दावेदार टिम टोटनह्यामले आइतबार यसै सिजन शीर्ष डिभिजनमा बढुवा भएको न्युकासल युनाइटेडसँग अप्रत्यासित पराजय ब्यहोरेको छ ।

घरेलु मैदान टोटनह्याम हट्सपर रंगशालामा आइतबार राति भएको खेलमा न्युकासलले टोटनह्यामलाई एक शून्य गोलले पराजित गरी लिगमा पहिलो जित हासिल गरेको हो ।

न्युकासलले लिगमा यसअघिका दुवै खेल हारेको थियो । टोटनह्यामले एक जित र एक बराबरी खेलेको थियो ।

खेलको २७ औं मिनेटमा जोयलिन्टोनले गरेको गोल नै न्युकासलको जितमा निर्णायक बन्यो । उनले क्रिष्टियन अस्टुको पासमा गोल गरेका थिए ।

दोस्रो हाफमा अधिकांश समय बल आफ्नो नियन्त्रणमा लिएर पनि टोटनह्याम गोल गर्न असफल रह्यो । खेलको अन्त्यतिर टोटनह्यामका ह्यारी केन, सन ह्युङ मिन, ड्यानियल एरिक्सन लगायतले पाएका अवसर सदुपयोग गर्न सकेनन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्