आफ्नो ताैलका कारण चर्चामा आएका वेस्ट इण्डिजका यी क्रिकेटर

 भदौ १५, २०७६ आइतबार १०:४४:४२ | उज्यालो सहकर्मी
unn.prixa.net

भारत र वेस्ट इण्डिजबीचको दोस्रो टेस्टको दाेस्राे दिन भारतीय टिमले ४१६ रन बनाएर पहिलाे पारि समाप्त गर्दा वेस्ट इण्डिज ८७ रनमा ७ विकेट गुमाएकाे अवस्थामा छ ।  

भारतीय टिमको तर्फबाट कप्तान विराट कोहली र मायंक अग्रवालले अर्धशतक बनाए । त्यस्तै वेस्ट इण्डिजका कप्तान जेसन होल्डरले तीन विकेट लिए । 

तर पहिलो दिनको खेलपछि सामाजिक सञ्जालमा वेस्ट इण्डिजका एक नयाँ क्रिकेटरको धेरै चर्चा भैरहेको छ । रहकीम कर्नवालका खेलाडी आफ्नो शरीरको बनावटका कारण निकै चर्चामा छन् ।

२६ वर्षका रहकीमको यो पहिलो टेस्ट हो ।मिडिया रिपोर्टहरुका अनुसार उनको तौल १४० किलो छ र उनी विश्वको सबैभन्दा धेरै तौल भएका टेस्ट क्रिकेटर बनेका छन् । 

यद्यपि आईसीसीको तर्फबाट भने यसको कुनै पुष्टि भैसकेको छैन । क्रिकेटको आँकडासम्बन्धी विज्ञता रजनीश गुप्ताले पनि याे दावी गरेका हुन् । उनले लेखेका छन्, ‘अष्ट्रेलियाका वारविक आर्मस्ट्रंगलाई पछि पार्दै रहकीम सबैभन्दा धेरै तौल भएका टेस्ट क्रिकेटर बनेका छन् ।’

रहकीमको उचाइ ६ फिट ५ इञ्च छ । उनी दायाँ हाते ब्याटिङसँगै अफ ब्रेक बलिङ पनि गर्छन् । 

आफ्नो पहिलो टेस्टमा उनले चेतेश्वर पुजाराको अहम विकेट लिएपछि क्रिकेटको आँकडा विज्ञ मोहनदास मेननले ट्विटरमा लेखे, ‘यो टेस्ट क्रिकेटको सबैभन्दा वजनदार विकेट थियो ।’

रहकीम वेस्ट इण्डिजको घरेलु क्रिकेटमा चर्चित नाम हो । उनीसँग छक्का लगाउने क्षमता छ र लम्बाइको कारण स्पीन बलिङमा राम्रो बाउन्स मिल्छ । वेस्ट इण्डिज च्याम्पियनसिप २०१९ १९ मा उनले १७ दशमलव ६८ को औसतमा ५४ विकेट लिएका थिए । 

क्रिकेट वेवसाइट ईएसपीएन क्रिकइन्फोका अनुसार रहकीमले ५५ प्रथम श्रेणी खेलमा २४ बढीको औसतमा २२२४ रन बनाइसकेका छन् र २६० विकेट लिइसकेका छन् । टी–२० मा पनि उनको औसत १३१ भन्दा धेरै छ । 

प्रतिभा हुँदाहुँदै पनि धेरै तौलका कारण उनले अन्तर्राष्ट्रिय क्रिकेटमा मौका पाउन धेरै कुर्नुपर्‍याे । गएको वर्ष वेस्ट इण्डिजका प्रमुख चयनकर्ता कर्टनी ब्राउनले रहकीमको तौल घटाउन मद्दत गर्न गैरहेको बताएका थिए । 

रहकीमले दक्षिण अफ्रिकाका अलराउण्डर ज्याक्स कालिसलाई आफ्नो आदर्श मान्छन् । 

अन्तिम अपडेट: मंसिर १०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भन्सार महसुल घटेसँगै सुनकाे भाउ एकैदिन तोलामा १५ हजार नौ सय रुपैयाँले घट्यो

२

चितवन दुर्घटना अपडेट : ज्यान गुमाएका दुवै जनाको पहिचान खुल्यो

३

मानव तस्करीको अभियोगमा पक्राउ परेका कोशी प्रदेशका पूर्वमन्त्री अधिकारीविरुद्ध मुद्दा नचल्ने

४

नेत्रहीन टी–२० विश्वकप क्रिकेटमा नेपालले अफगानिस्तानलाई १ सय ८ रनले हरायो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई