ईपीएलका लागि भैरहवा ग्लाडियटर्सले प्रशिक्षकका रुपमा भित्र्यायाे पुबुदु दासानायकेलाई

भदौ १७, २०७६ मंगलबार १७:३०:१३ | उज्यालो सहकर्मी

काठमाण्डाै - एभरेष्ट प्रिमियर लिग क्रिकेट- ईपीएलका लागि भैरहवा ग्लाडियटर्सले नेपाली राष्ट्रिय टिम सम्हालिसकेका पूर्व प्रशिक्षक पुबुदु दाशानायकेलाई प्रशिक्षकको रुपमा ल्याएको छ ।

पुबुदुले भैरहवासँग २०२० सम्मका लागि सम्झौता गरेको जनाइएको छ । उनले २०१३ मा नेपाली टिम सम्हालेका थिए । डिभिजन ३ मा हुँदा नेपाली टिम सम्हालेका पुबुदुलाई अहिले नेपाली टिमले एक दिवसीय वरियता पाउँदा पनि त्यसको श्रेय जाने गरेको छ । उनको प्रशिक्षणमा नेपालले डिभिजन थ्री जितेको थियो भने बंगलादेशमा भएको टी २० विश्वकप पनि खेल्न योग्य पनि बनेकाे थियाे ।

नेपालसँग आफ्नो नाता नजिकको रहेको बताउने पुबुदुले अहिले पाएको जिम्मेवारी पूरा गर्न आफू तयार रहेको बताएका छन् । यस्तै भैरहवाका मालिक आदित्य संघाईले पुबुदुलाई फेरि नेपाल ल्याउनु आफूका लागि ठूलो सफलता भएको भन्दै यसले नेपाली क्रिकेटमा ठूलो योगदान पुग्ने विश्वास व्यक्त गरे ।

टिम कप्तान शरद भेषावकरले पुबुदुबाट आफूहरुले विगतमा धेरै कुराहरु सिकेको र अझै पनि सिक्न आतुर रहेको उल्लेख गरे । लगातार २ सिजन उप विजेतामा सीमित भएको भैरहवा ग्लाडियटरले यस पटक उपाधि जित्ने लक्ष्य लिएको पनि बताए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्