श्रीलंकाविरुद्धको टी–२० सिरिज न्यूजिल्याण्डको पक्षमा

भदौ १८, २०७६ बुधबार ६:३७:२ | उज्यालो सहकर्मी

श्रीलंकाविरुद्धको टी–२० श्रृङ्खला अन्तर्गत मंगलबार भएको दोस्रो खेलमा पाहुना टोली न्यूजिल्याण्ड विजयी भएको छ । घरेलु टिमलाई चार विकेटले हराउँदै न्यूजिल्याण्डले तीन खेलको श्रृङ्खला एक खेल अगावै जितेको छ ।

यसअघि पहिलो खेलमा पनि न्यूजिल्याण्ड पाँच विकेटले विजयी भएको थियो । श्रीलंकाको पेल्लेकेले रंगाशालामा भएको खेलमा घरेलु टिमले दिएको १६२ रनको लक्ष्य न्यूजिल्याण्डले १९.४ ओभरमा ६ विकेट गुमाउँदै पूरा गरेको थियो । न्यूजिल्याण्डको इनिङमा कोलिन डि ग्राण्डहोम र टम ब्रुसले उत्कृष्ट प्रदर्शन गरे ।

पाँचौं विकेटका लागि ग्राण्डहोम र ब्रुसले १०९ रनको उत्कृष्ट साझेदारी गर्दै जितको आधार खडा गरेका थिए । ब्यक्तिगततर्फ ग्राण्डहोमले ५९ रन बनाए भने ब्रुसले ५३ रन जोडे ।

बलिङतर्फ अकिला धनञ्जयाले तीन विकेट लिए ।

यसअघि टस जितेर ब्याटिङ गरेको श्रीलंकाले २० ओभरमा नौ विकेट गुमाउँदै १६१ रन बनाएको थियो ।

श्रीलंकाका लागि निरोसन डिकवेल्लाले ३९ रन बनाए भने अभिष्का फर्नाण्डोले ३७ रन बनाए । यस्तै कुशल मेन्डिसले २६ तथा सेहान जयसुरियाले २० रन बनाए । बलिङतर्फ न्यूजिल्याण्डका सेठ रान्सले तीन विकेट लिए भने टिम साउथी र स्कट कुग्गेलिनले दुई दुुई विकेट लिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्