एसीसी यू–१९ एसिया कप : अफगानिस्तानले पाकिस्तानलाई ८५ रनले हरायाे

भदौ १९, २०७६ बिहीबार १७:२०:३९ | उज्यालो सहकर्मी

एसीसी यू–१९ एसिया कपको पहिलो खेलमा साविक विजेता अफगानिस्तानले पाकिस्तानलाई ८५ रनले हराएको छ ।

पाकिस्तानविरुद्ध सानदार जित निकाल्ने क्रममा अफगानिस्तानका बलर पूर्णरुपमा हाबी भए । श्रीलंकाको कोलम्बोमा रहेको पीएसएस मैदानमा टस हारेर पहिले ब्याटिङको निम्तो पाएको अफगानिस्तानले ४६ ओभरमा घटाइएको खेलमा नौ विकेट गुमाएर १ सय ६२ रन बनायो ।

मध्यम सुरुवात गरेको अफगानिस्तानका मध्यक्रमका ब्याट्सम्यानबीच भने राम्रो साझेदारी हुन सकेन । पहिलो विकेटका लागि अफगानिस्तानले ४७ रनको साझेदारी गरेको थियो । तर त्यसपछि उसले ९५ रन बनाउँदा पाँच विकेट गुमायो । कप्तान फरहान जाखीलले १९ रन बनाए भने सदिकुल्लाह अतलले २९ तथा रहमनुल्लाहले २७ रनको योगदान गरे ।

तर त्यसपछि असिफ मुसाजे सात तथा खरोटे तीन रनमा आउट भएपछि अफगानिस्तानले १ सय १९ रनमा सात विकेट गुमायो । त्यसपछि पनि उसको विकेट झर्ने क्रम रोकिएन । सफिकुउल्लाह घफारीले १३ रन बनाए भने मोहम्मद अस्फाक १२ रनमा पेभेलियन फर्किए । यस्तै अबीदुल्लाह तनीवालले सात तथा फजल हाकीले खाता खोल्न सकेनन् ।

बलिङमा पाकिस्तानका अमिर अली र फहाद मुनीरले समान तीन-तीन विकेट हात पारे ।

जवाफमा पाकिस्तान १९ ओभर चार बलमा ७८ रनमा समेटिन पुग्यो । पाकिस्तानी बलरसामु निकै निरीह देखिएको पाकिस्तानका दुई खेलाडीले मात्र दोहोरो अंक छुन सके । जसमा कप्तान रोहिल नाजिरले १६ तथा इरफान खानले १९ रन बनाए । अरु खलाडीले राम्रो प्रदर्शन गर्न सकेनन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्