एकै खेलमा मालिङ्गाका कीर्तिमानै कीर्तिमान

भदौ २१, २०७६ शनिबार ७:४९:२८ | उज्यालो सहकर्मी

श्रीलंकाका बलर लासिथ मालिङ्गाले एकै खेलमा चारवटा कीर्तिमान बनाएका छन् । न्यूजिल्याण्डसँगको तेश्रो ट्वेण्टी–ट्वेण्टी क्रिकेटमा ४ बलमा लगातार ४ विकेट लिँदै मालिङ्गा दुईपटक ४ बलमा ४ विकेट लिने पहिलो खेलाडी बनेका हुन् ।

यससँगै उनी ट्वेण्टी–ट्वेण्टी क्रिकेटमा एक सय विकेट लिने पहिलो खेलाडी पनि बनेका छन् । उनले ट्वेण्टी–ट्वेण्टीका ७६ खेलमा १ सय ४ विकेट लिएका छन् । यो उपलब्धिले उनलाई ट्वेण्टी–ट्वेण्टी क्रिकेटमा २ पटक ह्याट्रिंक गर्ने पहिलो खेलाडी पनि बनाएको छ ।

एकदिवसीय क्रिकेटमा तीन ह्याट्रिक गर्ने मालिङ्गा एक मात्र खेलाडी हुन् । समग्रमा ५ पटक ह्याट्रिक पनि अहिलेसम्म कुनै क्रिकेटरले गर्न सकेका छैनन् ।

उनले तेश्रो ओभरको तेश्रो, चौथो, पाँचौँ र छैटौँ बलमा लगातार विकेट लिए । तेश्रो ओभरको तेश्रो बलमा ओपनर कोलिन मुनरोलाई आउट गरेका मालिङ्गाले चौथो बलमा हमिश राउटफोर्डलाई पेबिलियनको बाटो देखाए । पाँचौँ बलमा कोलिन डी ग्राण्डहोमलाई आउट गर्दै ह्याट्रिक पूरा गरे । उनी यतिमै रोकिएनन् र ओभरको अन्तिम बलमा रोस टेलरलाई पनि एलबीडब्ल्यू धरापमा पारे । मालिङ्गाले अन्तराष्ट्रिय क्रिकेटमा लगातार ४ बलमा ४ विकेट लिएका यो दोश्रो पटक हो । यो उपलब्धि हासिल गर्ने उनी विश्वकै एकमात्र खेलाडी हुन् ।

मालिङ्गाले अन्तर्राष्ट्रिय क्रिकेटमा ह्याट्रिक गरेको यो पाँचौ पटक हो । यो उपलब्धि पनि अरु कुनै बलरले हात पार्न सकेका छैनन् । एकदिवसीय क्रिकेटमा तीनवटा ह्याट्रिक गर्ने पनि मालिङ्गा एकमात्र बलर हुन् ।

श्रीलंकाको पाल्लाकेलेमा शुक्रबार राति भएको न्यूजिल्याण्डसँगको खेलमा ४ ओभर बलिङ गरेका मालिङ्गाले जम्मा ६ रन मात्र दिएर पाँच विकेट लिए । कप्तान मालिङ्गाको कीर्तिमानी प्रदर्शनसँगै श्रीलकाले न्यूजिल्यान्डसँगको तेश्रो ट्वेण्टी–ट्वेण्टी क्रिकेट ३७ रनले जितेको छ ।

१ सय २६ रनको सामान्य लक्ष्य भए पनि न्यूजिल्याण्डलाई १६ ओभरमा ८८ रनमा अलआउट गर्दै श्रीलंका विजयी भएको हो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्