इंग्ल्याण्डलाई १८५ रनले पराजित गरी अस्ट्रेलियाद्वारा एसेज श्रृंखलाको रक्षा

भदौ २३, २०७६ सोमबार ८:३२:५३ | उज्यालो सहकर्मी

ओल्ड ट्राफोटमा भएको चौथो टेष्टमा इंग्ल्याण्डलाई १८५ रनले पराजित गरी अस्ट्रेलियाले एसेज श्रृंखला रक्षा गरेको छ । अस्ट्रेलियाले सन् २००१ यता एसेज उपाधि रक्षा गर्न सकेको हो ।

पाँचौ दिनको दोस्रो सेसनमा इंग्ल्यान्डले टेष्ट बराबरीका लागि अथक प्रयास गरेको थियो । ३ सय ८३ रनको लक्ष्य पछ्याएको इंग्ल्यान्डका क्रिग ओभरटन र ज्याक लिचले नवौं विकेटका लागि १३.५ ओभरसम्म टिकेर अस्ट्रेलियाली बलरको टाउको दुखाएका थिए ।

तर लिचलाई मार्नस लबुस्चेन्जको लेग स्पिनको धरापमा परे भने ओभरटनलाई जस हेजलउडले एलबीडल्ब्यू आउट गरे ।

३८३ रनको लक्ष्य पछ्याएको इंग्ल्याण्डले १८–२ को स्थितिबाट पाँचौं तथा निर्णायक दिनको सुरुवात गरेको थियो । जोय डेनलीले ५३ रनको पारी खेले पनि जेसन रोय, जोनी बेरिस्टो र जस बटलर रक्षात्मक बने । ओभरटनले क्रिजमा रहेर १०५ बलको सामना गरेका थिए ।

अस्ट्रेलियाली तीव्र बलरको आक्रमण भने एकपछि अर्को बलमा चुस्त देखिएको थियो । प्याट कुमिन्सले ४–४३ को सानदार प्रदर्शन गरे।

यसको मतलव अस्ट्रेलियाले स्वदेश फर्कँदा एसेज ट्रफी– ‘अर्न’लाई आफूसँगै लान पाउनेछ । यस्तो भएको सन् २००१ यता पहिलोपल्ट हो । जुलाईमा एकदिवशीय विश्वकप जितेको इंग्ल्यान्डले यसै वर्ष अर्को ठूलो सफलता हासिल गर्नबाट चुक्यो ।

इंग्ल्याण्डलाई पाँचौं टेष्ट जित्नैपर्ने स्थिति छ । किनभने यदि उनीहरु पराजित भए भने घरेलु मैदानमा टेष्ट शृंखला गुमेको सन् २०१४ पछिकै पहिलो हुनेछ । पाँचौ टेष्ट प्रशिक्षक ट्रेभर बेलिसका लागि अन्तिम खेल पनि हो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्