अजरबैजानसँग बराबरीमा रोकियो क्राेएसिया

भदौ २४, २०७६ मंगलबार ६:३१:१३ | उज्यालो सहकर्मी

विश्वकप उपविजेता क्रोएसियाले युरोकप २०२० को छनोट प्रतियोगितामा अजरबैजानसँग एक–एक गोलको बराबरी खेल्दै अंक बाँडेको छ ।

घरेलु मैदानमा विशेष गरी दोस्रो हाफमा निकै नै प्रभावशाली देखिएको अजरवैजानले युरो छनोटमा पहिलो अंक हासिल गरेको हो ।

समूह इ मा रहेको अजरबैजानले अहिलेसम्म चारै खेलमा पराजय ब्यहोरेको थियो । उसले पाँचौं खेलमा एक अंक जोड्न सफल भयो । यद्यपी उ समूहको अन्तिममै यथावत छ ।

पाँच खेलबाट १० अंक पुर्‍याएको क्रोएसिया पनि शीर्ष स्थानमा छ । एक खेल कम खेलेको हंगेरीको ९ अंक छ ।

बाकुस्थित बाकसेल एरिनामा पहिलो हाफमा क्रोएसियाले अग्रता लिएको थियो । ११ औं मिनेटमा कप्तान लुका मोड्रिचले पेनाल्टीमा गोल गरेका थिए ।

दोस्रो हाफमा बल पोजिसन नियन्त्रणमा राखेको घरेलु टोलीका लागि ताम्किन खालिलजादेले बराबरी गोल फर्काए । उनले रामिल सेदायवको पास सदुपयोग गरी पेनाल्टी एरियाबाट उत्कृष्ट गोल गरेका हुन् ।

दोस्रो हाफमा अजरवैजानले गोलका अन्य केहि अवसर पनि खेर फालेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्