फर्केर हेर्दा : सेप्टेम्बर ११ को त्यो आक्रमण

भदौ २५, २०७६ बुधबार १९:३२:५० | एजेन्सी

अमेरिकाको ट्विन टावरमा आतंककारी आक्रमण भएको बुधबार १८ वर्ष पूरा भएको छ । आक्रमणमा ज्यान गुमाएका व्यक्तिको सम्झनामा अमेरिकामा विभिन्न कार्यक्रम गरिँदैछ ।

ह्वाइट हाउसमा अमेरिकी राष्ट्रपति डोनाल्ड ट्रम्पको नेतृत्वमा स्मृतिसभाको आयोजना हुँदैछ । सन् २००१ को सेप्टेम्बर ११ मा अमेरिकाको ट्विन टावरमा आतंककारी आक्रमण भएको थियो ।

त्यसपछि अमेरिकाको नेतृत्वमा विश्वका विभिन्न देशमा आतंकवाद विरोधी सैन्य कारबाही सुरु भयो । विश्व राजनीतिमा ९–११ को रुपमा चर्चित भएको घटनाको प्रभाव निकै रह्यो । अहिले पनि यो घटनाका धेरै कुरामा विश्वका धेरैको चासो छ ।

के भएको थियो ?

११ जना अपहरणकारीले इन्धन भरिएका चारवटा अमेरिकी व्यावसायिक जहाज अपहरण गरेर न्यूयोर्कमा रहेको वर्ल्ड ट्रेड सेन्टरका जुम्ल्याहा भवन, वासिङ्टनमा रहेको पेन्टागन भवन र पेन्सिलभेनियामा रहेको स्यांक्सभिलेमा ठोक्काएका थिए ।

आक्रमणमा कुल दुई हजार ९ सय ९६ जनाको ज्यान गएको थियो । ६ हजार भन्दा धेरै घाइते भएका थिए ।

आक्रमणको जिम्मा आतंककारी संगठन अल कायदाले लिएको थियो । अमेरिकाविरुद्ध धर्म युद्धको घोषणा गरेका अल कायदाका नेता ओसामा बिन लादेन आक्रमणकारीका मुख्य योजनाकार थिए । चारवटा जहाज अपहरणमा संलग्न गराइएको थियो । १९ जना आक्रमणकारी मध्ये १५ जना साउदी अरेबियाका थिए भने बाँकी यूएई, इजिप्ट र लेबनानका नागरिक थिए ।

सातवटा भवन रहेको कम्प्लेक्स थियो, वर्ल्ड ट्रेड सेन्टर । लोवर म्यानहटनमा रहेको कम्प्लेक्समा व्यावसायिक संस्थाका कार्यालय थिए । सन् १९७० को दशकमा बनाइएको कम्प्लेक्समा १३ सय फिट अग्ला जुम्ल्याहा भवन थिए ।

सन् १९९३ मा पनि वल्र्ड ट्रेड सेन्टर कम्प्लेसको अण्डरग्राउण्ड पार्किङमा आतंककारी आक्रमण भएको थियो । बम भरिएको ट्रक विस्फोट हुँदा ६ जनाको ज्यान गएको थियो भने एकहजार भन्दा धेरै घाइते भएका थिए । त्यो आक्रमणको जिम्मा इस्लामिक आक्रमणकारीले लिएका थिए ।

यो आक्रमणअघि नै कुनै ठूलो आक्रमण हुँदैछ भन्ने संकेत गर्ने केही घटना भएका थिए । सन् १९९३ मा सेन्टरमै तथा १९९८ मा केन्या र तान्जानियामा रहेको अमेरिकी दूतावासमा बम आक्रमण भएको थियो ।

सीआईएले ९–११ मा संलग्न केहीलाई पहिलेदेखि नै निगरानीमा राखेको थियो । तर आवश्यक कदम नचाल्दा घटना भएको बताइएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्