यू-१९ एसिया कप क्रिकेट : फाइनलमा भारत र बंगलादेश

भदौ २६, २०७६ बिहीबार २०:३९:५३ | उज्यालो सहकर्मी

श्रीलंकामा जारी यू-१९ एसिया कप क्रिकेटको उपाधिका लागि भारत र बंगलादेशबीच प्रतिस्पर्धा हुने भएकाे छ ।

यो प्रतियोगितामा नेपाल पनि सहभागिता जनाएकोमा समूह चरणबाटै बाहिरिएको थियो । बिहीबार तय भएको सेमिफाइनल खेल वर्षाले प्रभावित भएपछि समूह चरणको अंकका आधारमा भारत र बंगलादेशले फाइनलमा स्थान बनाएका हुन् ।

सेमिफाइनलमा भारत र श्रीलंका तथा अफगानिस्तान र बंगलादेश भिड्ने तय भएको थियो । तर दुवै सेमिफाइनल वर्षाले प्रभावित भए ।

बंगलादेशले समूह बी का सबै खेल जितेको थियो । यसैगरी भारत समूह ए को विजेताको हैसियतमा सेमिफाइनलमा पुगेको थियो । फाइनल खेल शनिबार हुने छ ।

बंगलादेशले समूह चरणमा यूएई र नेपाललाई ६–६ विकेटले पराजित गर्दा घरेलु टोली श्रीलंकालाई ४२ रनले पाखा लगाएको थियो ।

यस्तै अर्को समूहमा भारतले कुवेतलाई ७ विकेटले पराजित गर्दा पाकिस्तानलाई ६० तथा अफगानिस्तानलाई तीन विकेटले पराजित गर्दै तालिकाको शीर्ष स्थानमा रहेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्