टीभीएस खुला दौडको उपाधि हरि रिमाललाई

भदौ २८, २०७६ शनिबार १६:२८:१५ | उज्यालो सहकर्मी

काठमाण्डाै - नेपाल आर्मीका हरि रिमालले टीभीएस खुला दौड प्रतियोगिताको उपाधि जितेका छन् ।

आर्मीको वर्चश्व रहेको दौडमा उपाधि विजेता रिमालले २६ मिनेट,२९.८१ सेकन्डमा दूरी पार गरेका थिए । दोश्रो स्थानमा रहेका दिपक अधिकारी १.४ सेकेण्डले मात्र पछि परेका थिए । उनले दुरी पार गर्न २६ मिनेट ३०.८५ सेकेण्डको समय खर्चेका थिए । तेश्रो स्थानमा रहेका आर्मीकै गजेन्द्र राईले २६ मिनेट ३५.९० सेकेण्डमा दूरी पार गरेका थिए ।

स्वास्थ्यका लागि रमाइलो टीभीएस दशैँ दौड भन्ने नाराका साथ सुरु भएको दौडमा ५ वर्षका बालक नेबिस रौनियार पनि सहभागी भएका थिए । युवा तथा खेलकुद मन्त्री जगतबहादुर सुनारले उद्घाटन गरेको ८ किमी खुला दौडमा नक्शालको बाल मन्दिर हुँदै सिटिसेन्टर, कमलपोखरी, पुतलीसडक, भृकुटीमण्डप, थापाथली, त्रिपुरेश्वर, सुनधारा, दरबारमार्ग, नागपोखरी हुँदै नक्सालको टीभीएस शाेरुममा आएर समाप्त भएको थियो ।

विजेता खेलाडीलाई आयोजक जगदम्बा मोटर्स प्रालिका उपाध्यक्ष दिपक अग्रवाल, कीर्तिमानी धावक बैकुण्ठ मानन्धर, अल्ट्रा धाविका मिरा राईलगायतले पुरस्कृत गरेका थिए ।

उपाधि विजेता रिमालले ५० हजार, उपविजेता अधिकारीले २५ हजार र तेश्रो स्थान हात पार्ने राईले नगद १५ हजार रुपैयाँ प्राप्त गरेका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्