भ्यालेन्सियामाथि बार्सिलोनाको सहज जित

भदौ २९, २०७६ आइतबार ८:३९:१२ | उज्यालो सहकर्मी

स्पेनिस ला लिगामा साविक विजेता बार्सिलोनाले भ्यालेन्सियामाथि सहज जित निकालेको छ । घरेलु मैदान क्याम्प नोउमा भएको खेलमा बार्सिलोनाले भ्यालेन्सियालाई ५ –२ गोल अन्तरले हरायो ।

उसको जितमा लुइस स्वारेजले २ गोल गरे भने १६ वर्षीय युवा खेलाडी अन्सु फाटीले सिनियर टिमबाट गोल गर्न सफल भए ।

खेलको दोस्रो मिनेटमा नै फाटीको गोलमा बार्सिलोनाले अग्रता बनायो । उनले डी जोङको पासको फाइदा उठाएका थिए । त्यसपछि साताैँ मिनेटमा फाटीको पासमा डी जोङले नै गोल गरी बार्सिलोनाको अन्तर २–० मा पुर्‍याए ।

२७ औं मिनेटमा भ्यालेन्सिले केभिन गेमिरोको गोलमा अन्तर २–१ मा झारेको थियो । पहिलो हाफ २–१ को अवस्थामा रहेको थियो । खेलको ५१ औं मिनेटमा जेरार्ड पिकेले गोल गर्दै बार्सिलोनालाई ३–१ले अगाडि राखे ।

त्यसपछि ६१ औं मिनेटमा लुइस स्वारेजले अरथरको पासमा बार्सिलोनाका लागि चौथो गोल गर्न सफल भए । ८२ औं मिनेटमा एन्टोइन ग्रिजमनको पासमा लुइस स्वारेजले नै ब्यक्तिगत दोस्रो तथा टिमका लागि पाँचौ गोल गरे ।

खेलको इन्जुरी समयमा भ्यालेन्सियाका लागि मारीयो गोमेजले गोल गर्दै अन्तर ५ –२ मा झारेका थिए । तर त्यसपछि पाहुना टिम भ्यालेन्सिया खेलमा फर्कन सकेन र पराजित भयो । जितसँगै बार्सिलोनाले चार खेलमा सात अंक बनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्