क्यानको निर्वाचन असोजमै, आईसीसीको निलम्बन फुकुवा हुने अपेक्षा

भदौ ३०, २०७६ सोमबार १३:२९:४ | उज्यालो सहकर्मी

काठमाण्डौ – नेपाल क्रिकेट संघ (क्यान) को निर्वाचन आगामी असोज १० र ११ गते हुने भएको छ ।

नेपाल आएका अन्तर्राष्ट्रिय क्रिकेट परिषद् (आईसीसी) प्रतिनिधि र राष्ट्रिय खेलकुद परिषद्का सदस्यसचिव रमेशकुमार सिलवालबीच भएको छलफलपछि क्यान निर्वाचनको नयाँ मिति घोषणा भएको छ ।

आईसीसीबाट आएका उस्मान ख्वाजा र अमर शेखसँगको छलफलपछि निर्वाचन काठमाण्डौमा गर्ने निर्णय गरिएको हो ।

यसअघि स्वतन्त्र समितिले क्यान निर्वाचनको मिति असोज ३ र ४ गते तोके पनि राष्ट्रिय खेलकुद परिषद्ले प्रक्रिया नपुगेको भन्दै रोक्न आदेश दिएको थियो । परिषद्को निर्णयप्रति नेपाल क्रिकेट समर्थकले चर्को आलोचनासमेत गरेका थिए ।

क्यानको यो निर्वाचन नेपाली क्रिकेटका लागि महत्वपूर्ण छ । नेपाल क्रिकेट संघ विगत तीन वर्षभन्दा लामो समयदेखि निलम्बनमा छ । यो निर्वाचन भएको खण्डमा अक्टोबरमा हुने आईसीसीको बैठकबाट नेपालको निलम्बन फुकुवा हुने अपेक्षा गरिएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्