प्रधानमन्त्रीद्वारा पूर्व राज्यमन्त्री आलमको निधनप्रति शाेक व्यक्त

असार ३०, २०७५ शनिबार १३:५३:५७ | उज्यालो सहकर्मी

काठमाडाैैं - प्रधानमन्त्री एवम् नेपाल कम्युनिष्ट पार्टी (नेकपा) का अध्यक्ष केपी शर्मा ओलीले पार्टीका नेता एवम् पूर्व स्वास्थ्य राज्यमन्त्री मोहम्मद मुस्ताक आलमको निधनप्रति गहिरो शोक व्यक्त गर्नु भएको छ ।

शनिबार बिहान पार्टी केन्द्रिय कार्यालय धुम्बाराहीमा पुगेर प्रधानमन्त्री ओलीले पूर्व स्वास्थ्य राज्यमन्त्री आलमको निधनप्रति गहिरो शोक व्यक्त गर्दै उहाँको पार्थिव शरिरमा अन्तिम श्रद्धाञ्जली व्यक्त गर्नु भएको हो ।

सहिद गंगालाल राष्ट्रिय हृदयरोग केन्द्रमा उपचारको क्रममा उहाँको शुक्रबार साँझ निधन भएको थियो ।

शनिबार पूर्व राज्यमन्त्री आलमको पार्थिव शरीरलाई पार्टी केन्द्रीय कार्यालय धुम्बाराहीमा अन्तिम श्रद्धाञ्जलीका लागि राखिएको थियो ।

त्यस अवसरमा नेपाल कम्युनिष्ट पार्टी (नेकपा) का अध्यक्ष एवम् पूर्व प्रधानमन्त्री पुष्पकमल दाहाल, नेपाल कम्युनिष्ट पार्टीका नेता बामदेव गौतम, उपप्रधानमन्त्री एवम् रक्षा मन्त्री रक्षामन्त्री इश्वर पोखरेल, गृहमन्त्री रामबहादुुर थापालगायतले उहाँको पार्थिव शरिरमा अन्तिम श्रद्धाञ्जली व्यक्त गर्नु भएको थियो ।

५३ वर्षीय आलमलाई बिहिबार गृह जिल्ला रौतहटमा गएको बेला हृदयघात भएको थियो ।

रौतहट क्षेत्र नम्बर २ का संविधान सभा सदस्यमा निर्वाचित हुनु भएका स्वर्गीय आलम ओली नेतृत्वको अघिल्लो सरकारमा स्वास्थ्य राज्यमन्त्री हुनुह्न्थ्यो । उहाँका श्रीमति, २ छोरा र १ छोरी रहेका छन् ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्