नाइजेरियाको 'टर्चर हाउस', जहाँ पाँच सय पुरुष-बालक बन्धक थिए

असोज १२, २०७६ आइतबार १८:२४:१५ | एजेन्सी

फलामको सिक्री, जसको एक भाग खुट्टामा र अर्काे भाग हातमा बाँधिएको हुन्थ्यो । बाँधिएको हातमा कुनै गाडीको पाङ्ग्रा, जसको रबर खसिसकेको हुन्थ्यो र हातमा फलाम मात्र बाँकी हुन्थ्यो । जसलाई तल राख्दा खुट्टा उचाल्न सकिदैनथ्यो र धेरै समय हातमा लिइराख्न पनि मुश्किल हुन्थ्यो ।

नाइजेरियाको कदुना शहरमा प्रहरीले एउटा भवनबाट झण्डै पाँच सय पुरुष र बालकहरुलाई छुटाउने क्रममा मुटु नै काँप्ने तस्बिर सार्वजनिक भएको हो । प्रहरीका अनुसार भवनमा बन्धक बनाइएका ती पुरुष र बालकहरुलाई यौन शोषण र अनेक किसिमका उत्पीडन गरिन्थ्यो ।

अधिकारीहरुका अनुसार यी भवनमा मदरसा (पाठशाला) चलाइएकोजस्तो देखाइन्थ्यो, प्रहरीले छुटाएका बालकहरुमा पाँच वर्षका बालकहरु पनि थिए । कदुना प्रहरी प्रमुख अली जंगले बीबीसीलाई भने, ‘यी भवनमा संदिग्ध गतिविधि भैरहेको भन्ने सूचनाका आधारमा छापा मारिएको हो ।’ उनले यो भवनलाई ‘टर्चर हाउस’ र गुलामीको केन्द्र बताए ।

छापा मारिसकेपछि आठ संदिग्ध व्यक्तिहरुलाई गिरफ्तार गरिएको छ, जसमा धेरै शिक्षक छन् ।

छुटाइएका बन्धकहरुमा केही भोकमरीको चपेटामा र केहीको शरीरमा प्रताडनाको चिह्न पनि प्रस्टै देख्न सकिन्थ्यो ।

वर्षाैँदेखि चलिरहेको थियो शोषण

केही बन्धकहरुले त्यहाँ आफूहरु कैँयौ वर्षदेखि बन्धक रहेको र आफूहरुसँग अनेक किसिमका शोषण गरिँदै आएको बताए ।

केही बालकहरुले आफूहरुलाई आफन्तले नै त्यहाँ ल्याएको बताए । उनीहरुलाई यो भवनमा कुरानको शिक्षा दिने बताइएको थियो ।

दुई जना बालकले आफूहरु बुर्किना फासोका बासिन्दा भएको र आमा–बुवाले त्यहाँ पठाएको बताए । प्रहरीका अनुसार बाँकी बालकहरु नाइजेरियाका बासिन्दा हुन् ।

यो इलाकामा इस्लामी स्कूल निकै लोकप्रिय छन् तर यहाँ अनेक किसिमका प्रताडनाका आरोप लाग्दै आएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्