इन्टर मिलानमाथि बार्सिलोनाको कठिन जित

असोज १६, २०७६ बिहीबार ६:५०:८ | उज्यालो सहकर्मी

च्याम्पियन्स लिग अन्तर्गत समूह चरणको दोस्रो खेलमा स्पेनिस क्लब बार्सिलोनाले पहिलाे जित निकालेको छ । समूहकाे पहिलाे खेलमा बराबरीमा राेकिएकाे बार्सिलाेनाले गए राति भएकाे खेलमा इटालियन क्लब इन्टर मिलानलाई २-१ गोल अन्तरले पराजित गर्‍यो ।

घरेलु मैदान नाेउ क्याम्पमा भएकाे खेलमा बार्सिलाेनाले इन्टर मिलानकाे एक गाेलकाे अग्रता उल्ट्याउन सफल भयाे । बार्सिलोनाको जितमा लुइस स्वारेजले दुवै गाेल गरे ।

खेलको तेस्रो मिनेटमा लाउटारो मार्टिनेजले गोल गर्दै इन्टरलाई अग्रता दिलाएका थिए । पहिलाे हाफमा एक गाेलले पछि परेकाे बार्सिलाेनाले दाेस्राे हाफमा २ गाेल गर्न सफल भयाे । उसका लागि दुवै गाेल लुइस स्वारेजले गरे ।

५८ औं मिनेटमा स्वारेजले गोल गर्दै बार्सिलोनालाई बराबरीमा पुर्‍याए । त्यसपछि खेलको ८४ औं मिनेटमा स्वारेजले व्यक्तिगत दोस्रो र टिमका लागि विजयी गाेल गरे ।

जारी च्याम्पियन्स लिगमा बार्सिलोनाको याे पहिलो जित हो । जितसँगै समूह एफ मा रहेकाे बार्सिलोनाले २ खेलमा ४ अंक जोडेको छ । पहिलो खेलमा बार्सिलोनाले बोरुसिया डर्टमण्डसँग गोलरहित बराबरी खेलेको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्