टी-२० क्रिकेट सिरिज:पहिलाे खेलमा हङकङले दियाे ओमानलाई ९७ रनकाे लक्ष्य

असोज १८, २०७६ शनिबार १४:२२:१३ | उज्यालो सहकर्मी

पाँच देशको सहभागिता रहेको टी-२० क्रिकेट सिरिजको पहिलो खेलमा हङकङले ओमानलाई ९७ रनको लक्ष्य दिएको छ ।

ओमान क्रिकेट संघको मैदानमा टस जितेर पहिले ब्याटिङ गरेको हङकङले २० ओभरमा नौ विकेट गुमाएर ९६ रन बनायो । ३० रन हुँदा हङकङका ओपनर निजाकत खान व्यक्तिगत १७ रनमा मोहम्मद नादिमकाे बलमा बोल्ड भए ।

त्यसपछि हङकङका दुई खेलाडी लगातार रुपमा रन आउट भए । कप्तान किन्चित शाह मात्र एक रनमा आउट भए भने साहिद वासिफ दुई रनमा पेभेलियन फर्किए । जसका कारण हङकङले ३५ रनमा तीन विकेट गुमायो ।

त्यसको लगत्तै इशान खानपनि रनआउटको नै सिकार हुन पुगे । ओपनर असन अब्बासीसँग तालमेल नमिल्दा उनी खाता खोल्न नपाउँदै रनआउट भएका थिए । त्यसपछि पनि हङकङको विकेट झर्ने क्रम रोकिएन ।

हङकङको स्कोर ५७ रन हुँदा पाँचौ विकेट झर्यो भने ६३ रन हुँदा छैटौँ विकेट ज.पनि पतन भयाे । उसका स्कट म्याक्केनी १५ रनमा पेभेलियन फर्किए । त्यसको लगत्तै असान अब्बासी १७ रनमा आउट भए ।

ओमानको अगाडि कमजोर देखिएको हङकङका आरुस भगवात मात्र तीन रनमा आउट हुँदा उसले सातौँ विकेट गुमाएको थियो । वर्षाका कारण खेल बीचमाा केहीबेर रोकिएको थियो ।

फेरि सुरु भएको खेलपछि पनि हङकङको ब्याटिङ धेरै बेर टिक्न सकेन । उसको स्कोर ८७ रन हुँदा इसान खान मात्र नौ रनमा आउट भए । त्यसपछि क्रिजमा आएका केली क्रिस्टी मात्र एक रनमा आउट हुँदा हङकङले नवाैँ विकेट खेर फाल्यो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्