थाइल्याण्डमा न्यायाधीशले अदालतभित्रै आफूमाथि गाेली चलाए

असोज १९, २०७६ आइतबार १३:१७:३१ | एजेन्सी

थाइल्याण्डका एक न्यायाधीशले अदालतभित्र आफैँलाई गोली हानेका छन् । उनले देशको न्यायिक प्रणालीप्रति असन्तुष्टि जनाउँदै आफैलाई गोली हानेका हुन् ।

हत्याको मुद्दामा संदिग्ध पाँच जना आरोपीलाई सबुतको अभावमा सफाइ दिने आफ्नो फैसलाबाट आहत भएका न्यायाधीश खनाकोर्न पियानचानाले आत्महत्या गर्ने प्रयास गरेका हुन् ।

उनले वरिष्ठ न्यायाधीशमाथि आफ्नो फैसलामा दखल पुर्याएको आरोप लगाउँदै आफू आफ्नो कर्तव्यविरुद्धको काम गर्न नसक्ने बताएका छन् ।

थाइल्याण्डको दक्षिणी प्रान्त यालाको एक अदालतका न्यायाधीश पियानचानाले हत्याका पाँच जना अभियुक्तलाई आरोपीबाट सफाइ दिन परेको थियो । यद्यपि यी आरोपको आधारमा तीन जना अभियुक्तलाई मृत्युको सजाय हुन सक्थ्यो ।

अहिले ती न्यायाधीशलाई अदालत लगिएको छ । उनी अहिले खतरामुक्त रहेको चिकित्सकले जनाएका छन् ।

देशको न्याय प्रणालीमा प्रश्न उठाएका ती न्यायाधीशले फेसबुक लाइभमा पनि देशको न्यायिक प्रणालीप्रति असन्तुष्टि जनाएका थिए । उनले भनेका थिए, ‘कसैलाई सजाय दिनुअघि स्पष्टरुपमा सबुतको आवश्यकता हुन्छ । यदि तपाईँ निश्चित हुनुहुन्न भने यस्ता मानिसलाई सजाय दिन सक्नुहुन्न । तपाईँलाई थाहा पनि छ कि यी अभियुक्तहरुले नै अपराध गरेका हुन् । न्यायिक प्रक्रिया पारदर्शी र भरोसादायक हुनुपर्छ, जसका कारण बेकसुर व्यक्तिले सजाय नपाउन् ।’

ती न्यायाधीशले अदालतले धनी व्यक्तिहरुलाई राहत र गरिबलाई सजाय दिने गरेको आरोप पनि लगाएका छन् । अदालतले भने ती न्यायाधीशले व्यक्तिगत कारणले नै आत्महत्याको कोसिस गरेको बताएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

थाइल्याण्डमा न्यायाधीशले अदालतभित्रै आफूमाथि गाेली चलाए

प्रतिकात्मक तस्बिर

तपाईको प्रतिक्रिया