‘बोक्साबोक्सी’ भन्दै दम्पतीलाई सामाजिक बहिष्कार, टोल सुधार समितिका अध्यक्ष पक्राउ

मंसिर ८, २०७६ आइतबार १३:३८:५२ | उषा तामाङ

दोलखा – विगु गाउँपालिको दुर्गम स्याँखु गाउँमा एक दम्पती सामाजिक बहिस्कारमा परेका छन् । स्याँखु गाउँ टोल सुधार समितिको भेलाले उनीहरुलाई ‘बोक्साबोक्सी’को आरोप लगाउँदै सामाजिक बहिष्कार गरेको हो ।

पीडित दम्पतीमाथि गाउँलेहरुले ‘बोक्साबोक्सी’को आरोप लगाएर गाउँबाट निकालिदिने भन्दै धम्की दिने, कथित ‘इन्द्रजाल’ किताब उपलब्ध गराउनुपर्ने र ‘झाँक्री’ले बकेकाले दोषी नै हो भनेर अपमान गरेका छन् ।

गएको मंसिर १ गते स्याखु टोल सुधार समितिका अध्यक्ष रत्ननारायण श्रेष्ठको अध्यक्षतामा गाउँका एक सय १३ जना सहभागी भेलाले बिहान आठ बजेदेखि बेलुकी ५ बजेसम्म ‘बोक्साबोक्सी’को आरोपसहित यातना दिएका थिए । गाउँलेहरुले दबाब दिएर ‘बोक्साबोक्सी’ भएको स्वीकार्न ल्याप्चे लगाउन बाध्य पारिएको पीडित दम्पतीले बताएका छन् ।

दम्पतीलाई समितिले बिहे, भोजलगायतका सामाजिक कार्यमा समेत प्रतिबन्ध लगाएको छ  । सामाजिक बेइज्जतपछि टोल सुधार समितिले गरेको निर्णय नम्बर १ मा ‘यी दुई दम्पतीले मनमानी कुनै ठाउँमा गएर तलमाथि गरेमा हामी एक सय १३ जनाको घरधुरी जिम्मेवार हुनेछैन’ भनी हस्ताक्षरसमेत गरिएको छ ।

घटना गएको मंसिर १ गतेको भए पनि पीडितका जेठा छोरा काठमाण्डौबाट आएर शुक्रबार मात्रै स्याँखु टोल सुधार समितिका अध्यक्ष रत्ननारायण श्रेष्ठ र धामीझाँक्रिसहित ९ जनाविरुद्ध जाहेरी दिएका थिए । जाहेरी प्राप्त हुनासाथ इलाका प्रहरी कार्यालय सिंगटीको प्रहरी टोलीले शनिबार नै श्रेष्ठलाई पक्राउ गरी कानुनी प्रक्रिया अघि बढाएको थियो । श्रेष्ठलाई आइतबार जिल्ला प्रहरी कार्यालय दोलखा ल्याइएको प्रहरी निरीक्षक (इन्सपेक्टर) सुनजित तामाङले जानकारी दिनुभयो ।

पक्राउ परेकामाथि बोक्सीको आरोप (कसुर र सजाय) ऐन २०७२ अनुसार कारबाही प्रक्रिया अघि बढाइने जिल्ला प्रहरी कार्यालय दोलखाका प्रमुख प्रहरी नायब उपरीक्षक (डीएसपी) मानबहादुर राईले जानकारी दिनुभयो । ऐनमा कसुर अनुसार ६ महिनादेखि २ वर्षसम्म कैद वा ५ देखि ३० हजार रुपैयाँ जरिवाना वा दुवै सजाय हुन सक्ने व्यवस्था छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्